9:101  101  CONTRA  WESTPHALUM.  102  evangelii  exortu  Hierosolyma:  ex  quo  tamen  fonte  in  totum  mundum  diffusa  est  salus?  Quid  enim  tum  apud  Galatas  tum  alibi  obiectum  fuit  Paulo,  nisi  quod  retentas  a  primariis  Christi  ministris  caereinonias  non  servaret?  Unde  vero  prava  ista  aemulatio,  ut  eundem  ubique  morem  obtruderent,  nisi  ex  superbo  fastidio?  [pag.  117j  Sicuti  fieri  aliter  nequit,  quin  aliena  contumeliose  respuant,  qui  plus  aequo  sibi  sunt  addicti.  Sed  quo  insolentius  se  effert  Westphalus,  eo  maiori  iure  putidas  eius  iactantias  refellere  licet.  Multiplici  donorum  spiritus  gratia  ornatas  esse  ecclesias  gloriatur,  quarum  ritus  non  servamus.  Quasi  vero  donorum  spiritus  vacuae  sint  ac  inopes  nostrae  ecclesiae.  Nec  vero  tantum  de  Helvetiis  hic  Rhaetisque  agitur,  sed  uno  calculo  damnatur  tota  superior  Germania.  Et  adhuc  modestiam  suam  praedicans,  neminem  a  spiritu  thrasonico  magis  remotum  esse  dicet,  qui  ex  quieto  angulo  tot  insignibus  ecclesiis  insultat?  Argentoratum,  Augusta,  Francofordia,  et  complures  aliae  urbes  uno  eius  flatu  in  nihilum  rediguntur.  O  Ismael,  quando  manus  tua  contra  omnes,  manus  omnium  sint  contra  te!  Quo  enim  plus  laudis  meretur  Lutheri  magnanimitas,  quod  totum  papatum  j  aggredi  solus  non  dubitavit,  eo  magis  detestabilis  est  tua  morositas,  qui  in  rebus  leviculis  in  populo  Dei  materiam  dissidii  quaeris.  Nunc  quae  nominatim  carpat,  obiter  attingere  operae  pretium  est.  Primum  est,  quod  alicubi  sinimus  infantes  non  baptizatos  mori.  Quid  [pag.  128]  aliud  nobis  vitio  vertit,  nisi  quia  mulierculis  non  resignamus  baptizandi  munus?  Nam  certe  si  quis  suos  liberos  mature  ad  baptismum  non  offerat,  l)  severe  ob  suam  negligentiam  castigatur.  Patet  singulis  diebus  templum.  Si  cuius  filium  absque  baptismo  contingat  mortem  obire,  quia  occasione  usus  non  est,  reprehenditur.  Unum  nobis  deest,  quod  mulierculae  solenne  pastorum  muuus  praeter  Christi  mandatum  non  arripiunt.  Ioachimo  autem  tam  praecisa  est  baptismi  necessitas,  ut  illicita  usurpatione  profanari  malit,  quam  omitti,  ubi  legitimus  usus  negatur.  Nam  quid  eum  male  habeat  continuo  post  detegit,  quia  spem  facimus  sine  baptismate  salutem  consequi  posse  infantes,  per  baptismum  non  regenerari  aut  salvari,  obsignari  illic  tantum  salutem,  cuius  prius  fuerunt  participes.  Ego  quia  hos  crassos  errores  alibi  copiosius  refutavi,  nunc  breviter  respondeo.  -Si  aquae  elemento  inclusa  est  infantium  salus,  exinaniri  foedus,  quo  ipsos  Dominus  adoptat.  Dicat  uno  verbo  Ioachimus  quid  apud  ipsum  ponderis  habeat  promissio  haec:  Ero  Deus  vester  et  seminis  vestri.  Nisi  enim  Deus  in  populi  sui  corpus  inserat  [pag.  129]  quos  tanto  1)  Add.  quand  il  le  peut  faire  commodement.