8:101  101  SUR  L'ELECTION  ETERNELLE.  102  soyent  heritiers  de  la  promesse  en  verite.  Et  pourquoy?  Sainct  Paul  pouvoit  bien  alleguer  que  tous  ne  croyent  point,  et  ne  Ta  pas  fait  par  oubli  :  mais  il  laisse  cela  a  dire,  que  c'est  d'autant  que  Dieu  eslit  ceux  que  [page  20]  bon  luy  semble.  Or,  mes  freres,  notons  bien  ce  poinct  icy.  Premierement  advisons  qui  est  celuy  qui  parle.  C'est  sainct  Paul,  lequel  proteste  en  un  autre  passage,  assavoir,  au  chap.  12  de  la  2.  aux  Corinth.,,  qu'il  a  este  ravy  iusques  au  tiers  ciel:  qu'il  a  veu  des  secrets  de  Dieu,  qu'il  n'est  point  licite  a  l'homme  d'exprimer.  Sainct  Paul  ne  sait-il  pas  quelle  mesure  il  faut  tenir  en  revelant  les  secrets  de  Dieu?  Car  il  dit  ^  qu'il  n'est  point  licite  de  reveler  aucuns  secrets  qu'il  a  veuz  la-haut.  Il  s'ensuit  donc,  que  ce  secret  icy  peut  estre  manifeste  aux  hommes:  autrement,  il  se  fust  bien  garde  de  le  mettre  en  avant;  autrement,  iamais  il  ne  l'eust  revele  si  hardiment,  comme  il  a  fait.  Car  icy  de  propos  delibere,  sans  grand  contraincte,  il  entre  en  ce  propos  de  l'election,  et  veut  que  nous  soyons  enseignez  iusques  la,  que  nous  cognoissions  ce  qu'il  met,  c'est  assavoir:  Deux  enfans  qui  sont  au  ventre  d'une  mesme  mere,  et  qui  sont  engendrez  d'un  mesme  pere,  c'est  assavoir,  du  patriarche  Isaac.  Ils  ont  tous  deux  la  promesse  qui  a  este  preschee  exterieurement  [page  21]:  ils  sont  nais  en  une  mesme  maison,  qui  est  le  peuple  et  le  sanctuaire  de  Dieu,  qui  estoit  le  chef  de  son  Eglise;  et  neantmoins  il  est  dit  du  temps  que  la  mere  les  porte  au  ventre:  Que  le  plus  grand  servira  au  moindre.  Or  icy  ceux  qui  veulent  calomnier,  disent  que  cela  s'entend  de  la  benediction  terrienne.  Voire,  mais  c'est  ce  mocquer  pleinement  du  sainct  Esprit,  qui  a  parle  par  la  bouche  de  sainct  Paul.  Sainct  Paul  traitte-il  la  lequel  doit  estre  le  plus  a  son  aise  en  ce  monde,  lequel  devoit  avoir  du  pain  blanc?  Traitfce-il  des  voluptez  et  autres  choses  semblables?  C'est  une  mocqueriei  Mais  du  salut  eternel  de  toutes  ames.  Ils  n'alleguent  cela  aussi,  que  pour  pervertir  l'Escriture  saincte.  Nous  voyons  donc  qu'une  telle  exposition,  qu'en  veulent  faire  ces  mocqueurs  de  Dieu,  n'est  qu'une  pure  sottise;  voire  une  malice  effrontee.  Car  il  est  icy  parle  d'estre  heritiers  de  l'alliance  qui  est  du  tout  spirituelle,  voire  de  l'alliance  que  Dieu  avoit  faite  avec  Abraham  quand  il  luy  a  dit:  Ie  seray  ton  Dieu  et  le  Dieu  de  [page  22]  ta  semence  apres  toi.  Qu'emporte  cela?  C'est  a  dire,  tu  vivras  en  mon  Royaume  eternellement;  comme  Iesus  Christ  nous  en  donne  aussi  l'exposition.  Ce  n'est  pas  aussi  sans  cause  que  sainct  Paul  dit,  qu'Isaae  a  eu  deux  enfans  d'une  mesme  ventree  de  sa  femme  Rebecca,  que  l'un  a  este  prefere  a  l'autre:  sur  cela  il  amene  le  tesmoignage  du  Prophete  Malachie.  Il  est  vray  qu'en  Malachie  il  est  parle  de  la  terre  de  Canaan  et  de  la  montagne  de