7:101  101  CONTRE  LES  ANABAPTISTES.  102  par  cela.  Car  nous  leur  produirons  aussi  bien  les  Apostres,  qui  ont  use  de  iuremens,  voire  en  leurs  escritz,  quand  mestier  estoit.  Or  oyons  la  belle  excuse  qu'ilz  font  sur  cela,  pour  eschapper.  Sainct  Pierre  et  sainct  Paul  n'ont  pas,  disent-ilz,  iure  pour  rien  promettre:  mais  seulement  pour  asseurer  la  promesse  faicte  de  Dieu.  Nous  pouvons  bien  voir  icy  clairement  comment  ceux  qui  se  deliberent  de  contredire  a  la  verite,  s'enveloppent  en  mille  absurdites:  et  toutesfoys  n'ont  nulle  honte  de  leur  impudence.  Pour  le  premier,  en  donnant  telle  response,  ilz  nous  concedent  qu'il  y  a  quelques  sermens  licites:  assavoir  quand  on  rend  tesmoignage  aux  choses  passees.  Car  il  s'ensuit  de  leurs  parolles,  que  lors  seulement  le  serment  est  mauvais,  quand  nous  promettons  quelque  chose  pour  l'advenir.  Mais  encor  ne  sont-ilz  pas  bien  effrontez,  de  mentir  ainsi  evidemment,  voulans  faire  a  croire  qu'il  n'est  rien  de  ce  qui  se  voit  a  l'oeil?  Sainct  Paul  iure  aux  Corinthiens,  qu'il  n'est  point  venu  a  [page  107]  eux,  afin  de  les  espargner,  d'autant  qu'il  eust  fallu  1)  qu'il  les  eust  traitte  asprement  (2  Cor.  1,  23).  Il  iure  aux  Romains,  qu'il  seroit  content  d'estre  reiecte  de  Christ,  afin  de  sauver  le  peuple  des  Iuifz  (Rom.  9,  3).  Pour  confermer  l'amour  qu'il  porte  aux  Philippiens,  il  iure  aussi  bien  (Phil.  1,  8).  De  rechef  il  iure  aux  Corinthiens,  qu'il  a  converse  entre  eux  en  bonne  conscience  (2  Cor.  1,  12).  Item,  aux  Thessaloniciens,  qu'il  n'est  point  entre  a  eux  par  avarice,  ou  pour  gaigner:  et  appelle  Dieu  en  tesmoing,  combien  sainctement  il  s'est  porte  (1  Thess.  2,  5.  10).  Ces  phrenetiques  disent,  que  les  Apostres  n'ont  iamais  iure  pour  affermer  de  leur  propre  faict,  mais  seulement  pour  testifier  de  l'alliance  de  Dieu.  Ie  vous  prie,  que  merite  une  telle  impudence?  Pour  le  moins  sont  ilz  dignes  qu'on  ouvre  la  bouche,  pour  parler  a  eux?  Mais  encor  il  est  mestier  d'expedier  ceste  difficulte  qu'ilz  mettent  en  avant.  Assavoir  que  l'homme  ne  doit  rien  promettre  avec  serment,  pour  ce  qu'il  n'est  pas  en  luy  de  le  tenir.  A  cela,  ie  respons,  que  quand  un  subiect  iure  a  son  Prince,  de  faire  ce  que  son  devoir  porte,  c'est  de  luy  obeir  et  estre  fidele:  ce  n'est  pas  en  confiance  de  sa  vertu,  ou  qu'il  se  vueille  vanter,  comme  en  despitant  Dieu,  et  luy  faisant  la  figue:2)  mais  plustost  en  invoquant  l'ayde  de  Dieu,  il  respond  de  sa  [page  108]  volunte,  qu'elle  sera  telle  qu'elle  doit  estre.  Combien  que  c'est  une  trop  folle  imagination,  de  reprouver  les  sermens,  en  permettant  les  simples  promesses.  Car  s'il  y  a  temerite  en  l'un,  aussi  y  aurail  bien  en  l'autre.  Pourtant,  s'il  nous  est  licite  de  1)  qu'il  eust  este  besoin  1566  suiv.  2)  Le  iraducteur  dit  simplement:  despicato  Deo.