58:101  101  DE  IACOB  ET  ESAU.  102  voix  de  Dieu  aiouste  ses  commandemens,  ses  statuts  et  ses  ordonnances,  c'est  pour  monstrer  que  Dieu  ne  defaudra  en  nulle  partie  a  tous  ceux  qui  lui  seront  disciples,  et  qui  se  viendront  renger  a  lui,  pour  escouter  sa  voix.  Et  de-fait  ce  n'est  point  seulement  en  ce  passage,  ni  mesme  en  celui  que  nous  venons  d'alleguer:  mais  c'est  quasi  par  tout,  la  ou  nostre  Seigneur  nous  recommande  sa  Loy,  et  nous  monstre  qu'elle  a  tout  ce  qui  est  requis  pour  bien  conduire  les  hommes  a  salut.  Voila  quant  aux  mots  qui  sont  couchez  en  ce  passage.  Ainsi  doncques,  quand  nous  voudrons  cheminer  comme  il  appartient,  regardons  qu'il  n'y  a  qu'un  seul  Iuge,  auquel  nous  avons  a  rendre  conte.  Or,  qu'est-ce  que  ce  Iuge-la  demande?  Ce  n'est  pas  que  chacun  soit  pousse  par  sa  fantasie,  et  que  les  bonnes  devotions  soient  mises  au  lieu  de  sa  Parole:  mais  que  nous  escoutions  la  voix  de  nostre  Dieu:  et  puisque  nous  soions  dociles,  pour  nous  renger  a  lui:  et  au  lieu  que  les  hommes  cuident  avoir  fait  merveille  pour  obliger  Dieu  par  leurs  vertus  et  merites,  que  nous-nous  contentions  d'estre  approuvez  de  lui  et  de  ses  Anges,  encore  que  le  monde  ne  s'en  contente  point.