51:101  101  SUR  L'EPITRE  AUX  GALATES.  102  qu'ils  ne  le  demandent  pas,  quand  on  les  verra  en  necessite,  qu'ils  s'employent  selon  le  moyen  que  Dieu  leur  offre.  Les  Payens  mesmes  ont  bien  sceu  parler  un  tel  langage.  Ainsi  c'est  double  honte  a  nous  quand  nous  ne  cognoistrons  pas  pourquoy  Dieu  nous  a  creez,  et  pourquoy  il  se  monstre  si  liberal  envers  nous.  Et  de  faict  il  pourroit  bien  disposer  le  monde  en  telle  sorte  que  nul  n'auroit  faute  ni  indigence,  et  que  chacun  se  pourroit  passer  d'autruy:  mais  il  nous  presente  matiere  de  pitie  et  de  compassion,  a  fin  qu'en  cela  nous  declarions  s'il  y  a  quelque  humanite  en  nous.  Or  il  nous  faut  aussi  bien  noter  la  promesse  que  sainct  Paul  adiouste:  c'est  que  nous  recueillirons  en  temps  opportun.  Vray  est  que  nous  ne  serions  pas  excusez  encores  qu'il  n'y  eust  nul  salaire:  mais  que  Dieu  simplement  nous  prononcast  qu'il  le  veut  ainsi,  car  c'est  bien  assez  qu'il  nous  a  mis  au  monde,  et  qu'il  nous  ait  nourris  de  sa  largesse:  et  c'est  pour  le  moins  que  nous  soyons  du  tout  a  luy;  mais  encores  quand  il  void  nostre  faiblesse  et  tardivete,  il  adiouste  ceci  pour  nous  faire  prendre  tant  meilleur  courage,  en  disant  que  de  tout  ce  que  nous  faisons  rien  ne  sera  perdu:  car  il  le  recoit  comme  en  sa  garde  et  nous  le  rendra,  voire  avec  un  profit  plus  grand  que  nous  ne  scaurions  esperer  ni  souhaiter  en  ce  monde.  Celuy  qui  a  argent  en  bourse,  voyant  un  profit  s'offrir,  espandra  et  de  coste  et  d'autre,  car  il  presuppose  que  rien  ne  sera  perdu,  et  que  la  somme  principale  reviendra  a  luy  :  et  puis  il  s'augmentera  d'autant  par  le  profit  qui  luy  en  reviendra.  Or  il  est  vray  que  quand  on  veut  prester  argent,  ou  le  mettre  en  quelque  trafique,  on  regardera  bien  deux  et  trois  fois  qu'il  soit  asseure:  mais  en  la  fin  si  on  void  un  homme  riche  et  solvable  et  de  bonne  foy,  on  conclud  qu'on  se  peut  bien  fier  en  luy.  Cependant  Dieu  n'a  point  ce  credit  qu'on  s'arreste  a  son  dire,  combien  qu'il  certifie  tant  et  plus  que  ce  que  nous  luy  aurons  baille  en  depost,  retournera  a  nous,  et  que  le  profit  en  sera  plus  grand  que  de  tous  ceux  que  nous  pouvons  faire  au  monde  :  nous  sommes  sourds  a  cela.  En  premier  lieu  donc  a  fin  que  nous  ne  soyons  point  desbauchez  par  l'ingratitude  des  hommes,  nostre  Seigneur  dit,  Ce  que  vous  ferez  au  moindre  et  au  plus  mesprise,  ie  l'accepte  et  advoue  comme  a  ma  personne.  Bref  ie  le  recoy  comme  de  ma  main  propre.  Voila  Dieu  qui  parle  ainsi  quant  au  mot  de  profit.  Il  adiouste  aussi  bien  la  promesse  qu'il  n'y  a  ni  usure  ni  gain  si  grand  comme  le  profit  qu'il  nous  faut  esperer  de  luy,  moyennant  que  nous  avons  les  yeux  fermez,  voire  pour  n'estre  pas  retenus  en  ce  monde:  mais  pour  employer  ce  qu'il  nous  a  mis  entre  les  mains,  et  ce  qu'il  nous