50:101  101  CAPUT  VIII.  102  nam  tranquilla  conscientia  erogare  queat.  Ergo  diligenter  observanda  est  Pauli  emstxeta  et  moderatio:  placere  Deo  nostras  eleemosynas,  quum  ex  nostra  abundantia  ita  sublevandus  fratrum  egestatem,  non  ut  diffluant  illi,  nos  egeamus  :  sed  ut  de  nostro  impertiamur  quantum  ferunt  nostrae  copiae,  idque  alacri  animo.  Ex  aequabilitate.  Aequabilitas  dupliciter  accipi  potest,  vel  pro  mutua  compensatione  quum  par  pari  refertur  :  vel  pro  iusto  temperamento.  Ego  iaoxYscot,  accipio  simpliciter  pro  aequalitate  iuris  analogici,  quod  vocat  Aristoteles.  In  qua  significatione  sumitur  et  ad  Colossenses  cap.  4,  1,  ubi  dominos  hortatur  ut  aequalitatem  praestent  servis.  Non  vult  certe  conditione  et  gradu  pares  esse:  sed  hoc  nomine  intelligit  humanitatem  et  clementiam  et  benignam  tractationem,  quam  servis  domini  vicissim  debent.  Ita  hanc  analogiam  nobis  Dominus  commendat,  ut  quoad  quisque  nostrum  opibus  valet,  laborantibus  opem  feramus,  ne  alii  luxurientur,  alii  esuriant:  ideo  addit  in  p  r  a  e  s  e  n  t  i  tempore.  Tunc  siquidem  urgebat  necessitas.  Unde  admonemur,  in  exercenda  beneficentia  praesenti  necessitati  consulendum,  si  velimus  veram  aequitatis  regulam  servare.  14.  Et  illorum  copia.  Dubium  est  quale  genus  copiae  significet.  Nonnulli  interpretantur,  hoc  fuisse  factum,  quia  evangelium  ab  ecclesia  Ierosolymitana  ad  illos  manaverat:  unde  spiritualibus  eorum  divitiis  istorum  penuriae  fuerat  subventum.  Quod  ego  alienum  arbitror  a  Pauli  mente.  Potius  (meo  iudicio)  extendi  hoc  deberet  ad  sanctorum  communionem,  qua  fit  ut  in  totum  corpus  redundet  quidquid  officii  in  unum  membrum  impenditur:  ac  si  diceret:  Si  vos  piget,  nihili  divitiis  fratres  iuvare:  considerate  quot  bonorum  sitis  inopes,  et  quidem  quae  longe  sunt  pretiosiora,  quibus  vos  locupletare  possunt  qui  terrenis  opibus  egent.  Haec  communicatio,  quam  inter  membra  corporis  sui  sancivit  Christus,  animare  vos  debet,  quo  sitis  ad  beneficentiam  promptiores  et  magis  impigri.  Potest  hic  quoque  esse  sensus  :  Nunc  pro  temporis  necessitate  illis  succurritis:  sed  ipsis  dabitur  alias  facultas  remunerandi.  Mihi  generalior  illa  sententia  magis  placet:  cui  suffragatur  quod  iterum  de  aequabilitate  repetit.  Haec  enim  est  in  ecclesia  iuris  analogici  ratio,  ut  dum  ultro  citroque  singuli  inter  se  communicant  pro  mensura  donorum  et  necessitatis,  ex  mutua  collatione  conficiatur  apta  symmetria.  Tametsi  alii  plus,  alii  minus  possideant,  et  distributa  sint  inaequaliter  dona.  15.  Quemadmodum  scriptum  est  Testimonium,  quod  citat  Paulus,  de  manna  loquitur:  sed  audiamus  quid  Dominus  dicat  per  Mosem.  Vult  hoc  perpetui  documenti  loco  esse,  quod  non  solo  pane  vivant  homines:  sed  divinitus  alantur,  arcana  virtute  voluntatis  eius,  qui  omnia,  quae  creavit,  tuetur  ac