44:101  101  CAPUT  II.  102  abrumpant  ecclesiae  unitatem:  ita  etiam  multi  superbi  homines  contemnunt  ecclesiam  Dei,  quia  non  refulget  magna  pompa  inter  nos,  et  putant  Deum  non  habitare  in  medio  nostri,  quia  sumus  homines  obscuri  et  non  magni  pretii:  quia  etiam  paucitas  nostra  illis  contemptui  est.  In  his  omnibus  est  aliqua  pietatis  species.  Quare?  nam  vellent  Deum  admirabilem  esse,  ita  ut  terreret  suae  maiestatis  metu  totum  mundum  :  vel  coacervari  omnes  opes,  ut  sumptuosae  oblationes  fierent.  Sed  quemadmodum  iam  dixi,  ita  captiose  insinuat  se  Satan  :  et  ideo  metuamus  eius  insidias,  etiamsi  quid  afferat  coloris,  quod  nobis  perstringat  oculos.  Haec  autem  optima  cavendi  erit  ratio,  si  respicimus  quid  Deus  iubeat:  deinde  si  ita  recumbimus  in  eius  promissiones,  ut  pergamus  celeriter  in  cursu  nostro:  etiamsi  effectus  promissionum  non  statim  respondeat  votis  nostris.  Deus  enim  data  opera  tenet  nos  suspensos,  ut  fidem  nostram  examinet.  Ergo  quamvis  nondum  impleverit  quod  promisit,  sufficiat  nobis  nos  nihil  temere  tentare,  dum  obsequimur  eius  mandato.  Haec  igitur  summa  erit  prudentia,  qua  effugiemus  omnes  Satanae  astutias,  si  simpliciter  pareamus  verbo  Domini,  et  sic  exerceamus  spem  nostram  ut  patienter  exspectemus  opportunum  tempus,  dum  impleat  quod  nunc  promittit.  Postquam  exposuit  propheta  cur  novos  stimulos  addere  oporteat  populo,  iam  hortatur  tam  Zerubbabel  et  Iehosuah,  quam  omne  vulgus,  ut  forti  sint  animo  et  ita  pergant  in  opere.  Iterum  vero  repetit  quod  dixerat,  Dominum  ipsis  adesse.  Ego  vobiscum,  inquit.  Nam  hoc  unum  sufficere  nobis  debet,  ubi  pronuntiat  Deus  se  nobis  adesse:  quia  scimus  auxilium  eius  fore  superius  toto  mundo,  etiamsi  undique  Satan  conetur  obsistere.  Simul  adiungit  spiritum  suum  fore  in  medio  ipsorum:  tandem  concludit  non  esse  cur  timeant.  Per  spiritum  suum  intelligit  Deus  virtutem  qua  stabiliet  ipsorum  animos,  ne  succumbant  tentationibus,  vel  ne  trepidatio  ipsos  moretur.  Et  species  snbiungitur  generi,  quia  Deus  multis  modis  adest  suis  :  sed  praecipue  ostendit  suam  praesentiam,  quum  spiritu  suo  confirmat  debiles  animos.  Iubet  igitur  omnes  esse  animo  forti.  Hoc  est  unum.  Sed  interea  ostendit  unde  illis  fortitudo:  quia  scilicet  spiritu  suo  fulciet  ipsos  si  vel  labascant,  vel  etiam  non  possint  sufficere  ad  terrores  repellendos.  Quibus  verbis  propheta  admonet  petendam  esse  fortitudinem  a  Deo.  Hinc  colligimus  non  ideo  requiri  a  nobis  quae  vocationis  nostrae  sunt  atque  officii,  quasi  pares  simus  ad  omnia  praestanda:  sed  ubi  Dominus  iure  suo  imperavit,  offert  auxilium  spiritus  sui.  Et  ita  coniungere  necesse  est  promissionem  gratiae  cum  praeceptis:  quod  non  observant  stulti  homines,  qui  aestimant  liberum  arbitrium  ex  praeceptis,  quia  sic  ratiocinantur,  frustra  requiri  a