22:101  101  INSTITUTION  PUERILE  DE  LA  DOCTRINE  CHRESTIENNE.  Le  maistre.  Mon  filz  es  tu  chrestien  de  faict  comme  tu  es  de  nom?  Lenfant.  Ouy  mon  pere.  Le  maistre.  Comment  le  scais  tu?  Lenfant.  Gar  ie  suis  baptise  au  nom  du  Pere  et  du  filz  et  du  sainct  Esprit.  Le  maistre.  Quelle  foy  et  congnoissance  as  tu  du  Pere,  du  filz  et  du  saint  Esprit?  Lenfant  Ie  lay  telle  que  les  principaux  articles  de  nostre  religion  nous  enseignent,  desqueux  nous  faisons  profession  avecques  singuliere  confession.  Le  maistre.  Quelle  est  ceste  confession?  Lenfant.  Ie  croy  en  Dieu  le  Pere  tout  puyssant,  createur  etc.  Le  maistre.  En  combien  de  parties  sont  divisez  ces  articles?  Lenfant.  En  trois.