21:101  loi  PAR  NICOLAS  COLLADON.  102  estre  maintenus  en  vostre  estat,  il  ne  faut  point  que  le  Siege  auquel  Dieu  vous  a  mis  soit  deshonore.  Il  n'y  a  superiorite  que  de  Dieu,  qui  est  Roy  des  rois  et  Seigneur  des  seigneurs.  Il  declare  que  il  honorera  ceux  qui  l'honoreront,  et  au  contraire  qu'il  mettra  en  opprobre  ceux  qui  le  mespriseront.  Or  ceci  est  dit,  afin  que  vous  ie  serviez  purement  selon  sa  parole,  et  y  pensiez  plus  que  iamais.  Car  il  s'en  faut  tousiours  beaucoup  que  nous-nous  en  aquittions  pleinement,  et  en  telle  integrite  comme  il  appartient.  Finalement,  il  leur  fit  encore  des  advertissemens  plus  particuliers,  disant  qu'il  avoit  cognu  a  peu  pres  toutes  leurs  moeurs  et  facons  de  faire,  et  qu'il  savoit  qu'ils  avoyent  besoin  d'estre  exhortez.  Il  n'ya  si  bon  (disoit-il)  qui  soit  parfait,  mais  chacun  a  ses  imperfections  :  c'est  a  vous  de  les  considerer  ;  pourtant  que  chacun  regarde  [h  7]  a  soy,  et  les  combate.  Les  uns  sont  froids,  adonnez  a  leurs  negoces  1),  ne  se  soucians  gueres  du  public,  les  autres  sont  adonnez  a  leurs  passions,  les  autres,  quand  Dieu  leur  aura  donne  esprit  et  prudence,  ne  l'employeront  pas:  les  autres  sont  adonnez  a  leurs  opinions,  voulans  apparoistre,  et  estre  en  credit  et  reputation,  et  qu'on  les  croye  de  tout.  Or  il  faut  que  les  vieux  ne  portent  point  d'envie  aux  ieunes  des  graces  qu'ils  auront  receues,  mais  qu'ils  en  soyent  aises,  et  louent  Dieu  qui  les  y  a  mises.  Que  les  ieunes  se  contiennent  en  modestie,  sans  se  vouloir  trop  avancer.  Car  il  y  a  tousiours  de  la  vanterie  en  ieunesse,  qui  ne  se  peut  tenir  de  s'avancer  en  mesprisant  les  autres.  Qu'on  ne  se  descourage  point,  et  qu'on  ne  s'empesche  point  les  uns  les  autres:  qu'on  ne  se  rende  point  odieux.  Car  quand  on  est  pique,  on  se  desbauche.2)  Pour  eviter  ces  inconveniens,  que  chacun  chemine  selon  son  degre,  et  qu'il  employe  fidelement  ce  que  Dieu  lui  aura  donne  pour  maintenir  ceste  Republique.  Quant  aux  procez  civils  ou  criminels,  qu'on  reiette  toute  faveur,  haine,  traverses  et  recommandations;  et  qu'on  renonce  a  soy,  tenant  droiture  et  equalite.  Et  si  vous  estes  tentez  de  decliner,  resistez,  et  soyez  constans,  regardans  a  celuy  qui  vous  a  establis,  le  priant  de  vous  conduire  par  son  sainct  Esprit,  et  il  ne  vous  defaudra  point.  Apres  tout  cela,  il  les  pria  derechef  de  i'excuser  et  supporter  en  ses  infirmitez,  (lequelles,  disoit-il,  ie  ne  vueil  pas  nier:  car  puis  que  Dieu  et  ses  Anges  les  savent,  ie  n'ay  pas  honte  de  les  confesser  devant  les  hommes)  et  de  prendre  en  gre  son  petit  labeur;  adioustant  pour  la  fin  ces  propres  mots:  Or  ie  prie  ce  bon  Dieu,  qu'il  vous  conduise  et  gouverne  tousiours,  et  augmente  ses  graces  sur  vous,  et  les  face  valoir  a  vostre  salut  et  de  tout  ce  povre  peuple.  1)  affaires  F.  2)  on  s'emporte  F.