11:101  1540  OCTOB..NOVEMB.  (Ex  autographo  Bibi.  pastorum  Neocomensium  Epp.  Farelli  fascic.  II.  Nr.  5.  Maior  pars  epistolae  manu  amauuensis  scripta,  finis  Farelli.)  Quam  optatissimo  fratri  Io.  Calvino  symmystae  carissimo.  Vormaciae.  S.  Potesne  dubitare  iam  de  tua  revocation^  ari  [a]  Deo  sit?  Putas  aliam  esse  certiorem?  FESSUS  est  senatus  et  populus,  se  merito  pasbimi  omnia  maioraque  debere  ob  profligatos  pastores,  tamque  atrocem  iniuriam  in  Deum  et  verbum  suum,  et  hanc  unam  superesse  viam  ut  verbum  pure  doceatur  et  excipiatur:  quod  ut  fiat,  te  evocandum  ac  nihil  non  agendum  ut  venias.  Idque  cum  lacrymis  decretum,  vel  potius  auditum  et  narratum:  sed  cum  multa  laetitia  discessum.  Habes  igitur  bonum  senem,  qui  vel  Lausannam  usque  alia  causa  noluit  venire,  causatus  quaedam:  sed  ubi  rogatus  fuit  pro  tui  revocatione,  statim  sese  obtulit,  ultro  Bernam  concessit,  cum  senatu  egit,  cui  fuit  quam  gratissimum:  idque  responsi  habuit,  vaide  placere  senatui  affectum  tam  pium  Genevatium  in  te,  remque  tam  sanctam  esse,  imo  quam  sanctissimam,  adeo  ut  non  dubitent  Argentoratenses  ultro  facturos.  Ideo  in  re  tam  aperta  scripto  non  esse  opus.  Illinc  me  invisit  ac  ut  secum  venirem  rogavit,  senatus  literas  mihi  tradens,  quibus  iubeor  omnia  agere  ut  redeas.  Ego,  si  sperarem  te  difficiliorem  fore,  certe  iterum  te  adirem:  sed  puto  te  nolle  divexari  me  magis,  quum  satis  te  invitet  Christi  causa.  Vide  igitur  diligentissime  cum  fratribus  de  constituenda  ecclesia,  et  ut  non  solum  Bucerus  tecum  veniat,  verum  una  aliquis  pius  senator,  ut  res  sic  componatur  quo  regnum  Christi  latius  extendatur  et  altiores  agat  radices.  {Si  comitia  Vormaciensia  te  aliquamdiu  remorantur  (non  enim  deserendum  est  tantum  opus),  tamen  cura  ut  te  ipsum  expedias,  et  ad  tantum  opus  diligentissime  adcurras,  neque  negligas  ut  suus  Christo  honor  restituatur  in  te,  ac  quae  sunt  vicinae  ecclesiae  componantur.  Si  scires  ut  gestiant  omnes  pii  te  videre,  ac  quam  ringantur  lupi,  dum  audiunt  de  te  verba  fieri,  totus  extra  te  esses.  Grande  est  opus  Domini  hoc  in  quo  tibi  gratulor,  teque  obtestor  per  Christum  Iesum  ut  diligentissime  exsequaris  id  ad  quod  te  revocat  Dominus.  Nam  sic  te  expulit  ut  potentius  in  populo  Domini  ac  maiori  autoritate  tuum  absolveres  munus.  Vale  et  veni,  si  Christum  non  prorsus  aversaris  vocantem.  Saluta  omnes  m  Domino.  Christus  omnibus  adsit.  Neocomi  31.  Octobris  1540.  Gravissima1)  persequutio  intentata  est  Provin-  249*  1)  Sequentia  Farellus  manu  propria  .  De  persequutione  ipsa  cf.  Sletdan.  II.  219.