10.1:101  ORDONNANCES.  Pareillement  nous  avons  determine  que  la  maniere  de  les  eslire  soit  telle,  c'est  que  le  Conseil  estroit  avise  de  nommer  les  plus  propres  qu'on  pourra  trouver,  et  les  plus  suffisans:  et  pour  ce  faire  appeler  les  Ministres  pour  en  communiquer  avec  eux.  Puis,  qu'ils  presentent  ceux  qu'ils  auront  avise  au  conseil  des  deux  cents:  lequel  les  approuvera  s'il  les  trouve  dignes.  Apres  estre  approuvez,  qu'ils  facent  serment  particulier  en  la  forme  qui  s'ensuit  SERMENT  DU  CONSISTOIRE.  [page  18]  Ie  iure  et  promets  suivant  la  charge  qui  m'est  donnee,  d'empescher  toutes  idolatries,  blasphemes,  dissolutions  et  autres  choses  contrevenantes  a  l'honneur  de  Dieu  et  a  la  reformation  de  l'Evangile,  et  d'admonester  ceux  qu'il  appartiendra,  selon  que  l'occasion  m'en  sera  donnee.  Item,  quand  ie  sauray  chose  digne  d'estre  rapportee  au  Consistoire,  d'en  faire  mon  devoir  fidelement,  sans  haine  ni  faveur,  mais  seulement  afin  que  la  ville  soit  maintenue  en  bon  ordre  et  en  la  crainte  de  Dieu.  Item,  quant  a  tout  ce  qui  sera  de  l'office,  de  m'en  acquiter  en  bonne  conscience:  et  d'observer  les  ordonnances  qui  sont  passees  sur  cela  par  le  petit,  grand  et  general  Conseil  de  Geneve.  Et  au  bout  de  l'an  apres  avoir  esleu  le  Conseil,  qu'ils  se  presentent  a  la  Seigneurie,  afin  qu'on  regarde  s'ils  devront  estre  continuez  ou  changez:  combien  qu'il  ne  seroit  expedient  de  les  changer  souvent  sans  cause,  quand  ils  s'acquiteront  de  leur  devoir  fidelement.  Le  quatrieme  ordre  du  gouvernement  Ecclesiastique,  assavoir  les  Diacres.  Il  y  en  a  eu  tousiours  deux  especes  en  l'Eglise  ancienne:  les  uns  ont  este  deputez  a  recevoir,  dispenser  [page  19]  et  conserver  les  biens  des  povres,  tant  aumosnes  quotidiecnes  que  possessions,  rentes  et  pensions:  les  autres,  pour  penser  et  soigner  les  malades  et  administrer  la  pitance  des  povres.  A  quoy  c'est  bien  raison  que  toutes  villes  Chrestiennes  se  conforment,  comme  nous  y  avons  tasche  et  voulons  encor  continuer  a  l'advenir.  Car  nous  avons  procureurs  et  hospitaliers.  Et  afin  d'eviter  confusion,  que  l'un  des  quatre  procureurs  de  l'hospital  soit  receveur  de  tout  le  bien  d'icelui,  et  qu'il  ait  gage  competent  afin  d'exercer  mieux  son  office.  Que  le  nombre  des  quatre  procureurs  demeure