9:100  mulans,  quibus  invidiam  nobis  apud  simplices  augeat.  Atque  hoc  quidem  primum  crimine  nos  onerat,  quod  in  nostris  ecclesiis  omnia  novemus,  et  abrogemus  ritus  non  inutiles.  Utinam  species  ipsas  notasset,  vel  ex  una  et  altera  gustum  dedisset  lectoribus,  ne  hic  haererent  suspensi:  quibus  tamen  eximere  omnem  scrupulum  promptum  est.  Nempe  sacram  coenam  peragimus  sine  histrionico  vestitu:  l)  luminaria  meridie  non  accendimus:  sonitu  campanae  non  invitatur  plebs  ad  panem  adorandum,  quando  ex  legis  mosaicae  praescripto  sursum  instar  sacrificii  levatur.  Alia  enim  quae  postea  recenset,  consulto  nunc  praetereo,  donec  suus  illis  locus  adveniat.  Quid  est,  Westphale?  Quorum,  obsecro,  rituum  tantus  es  zelotes,  nisi  qui  apud  [pag.  125]  vos  in  usu  sunt?  Quaenam  vero  superbia  est,  suam  consuetudinem  velle  pro  lege  ubique  haberi?  Tibi  dolet  apud  nos  omitti,  quod  apud  vos  servatur?  Quasi  non  eadem  nobis  sit  expostulandi  ratio.  Cur  enim  cacremonias  nostras  a  vobis  negligi  non  irascimur,  tu  vero  ad  tuarum  observationem  nos  imperiose  alligas?  nisi  quia  pro  fraterna  mansuetudine  toleramus,  quae  corrigi  non  possunt  vitia:  tibi  vero  ac  tui  similibus  non  satis  est  torpere  ia  faecibus,  quin  simul  alios  inquinent.  Quis  enim  non  videt,  cereos  iudaismum  sapere?  Adde  quod  nemo  durius  quam  Lutherus  invectus  est  in  illas  nugas,  quas  tamen  pro  temporis  infirmitate  retinuit.  Quorsum  tanta  reprehensionum  asperitas,  nisi  quia  ex  praepostera  superstitione  ortas  esse,  et  abusu  noxias  videbat?  neque  id  modo,  sed  mundum  ita  esse  infatuatum,  ut  non  facile  ex  animis  revelli  posset  error  ?  Quod  tanta  vehementia  usus  est,  laudabile  est,  quum  ita  exigeret  necessitas.  Quod  non  abstulit  statim  e  medio,  ignoscimus.  Tu  vero  ista  aequitate  non  contentus,  in  desuetudinem  apud  nos  venisse  pro  piaculo  [pag.  126]  ducis?  Ne  longior  sim,  considerent  lectores,  idem  hodie  nobis  certamen  a  Ioachimo,  eiusque  gregalibus  moveri,  quod  Paulus  olim  a  Semiiudaeis  illis  sustinuit,  qui  Hierosolyma  profecti,  nihil  admittere  a  more  illic  recepto  diversum  volentes,  gentibus  iugum  imponere  tentabant.  Nam  quum  magnifacerent  apostolos,  quorum  in  schola  et  quasi  gremio  se  educatos  iactabant,  odiose  vexabant  Paulum,  cuius  dissimilis  erat  ratio.  Denique  tantum  non  illis  erat  apostata,  qui  apostolicos  ritus  inter  gentes  abolere  ausus  esset.  Nam  Ioachimus  quasi  ex  eorum  ore  ebuccinat,  in  mutatione  rituum  nos  separasse  ab  ecclesiis,  quas  consensus  catholicae  doctrinae,  et  multiplex  donorum  spiritus  gratia  testatur  esse  ecclesias  Christi.  Ergo  Witberga,2)  vel  Hamburgum  pluris  hodie  erunt,  quam  primo  1)  sans  estre  revestus  en  basteleurs  et  ioueurs  de  farces.  2)  Witteberga  Amst