51:100  son  sainct  Esprit,  et  que  nous  serons  disposez  a  le  servir,  et  aussi  a  bien  faire  envers  ceux  qui  demandent  secours  de  nous.  Or  il  y  a  l'infidelite  d'une  part  qui  nous  retient,  pour  ce  qu'il  semble  que  terre  nous  doit  fallir:  et  si  quelqu'un  doit  estre  secouru,  nous  pensons  qu'il  nous  pourra  venir  semblable  faute  et  disette.  Voila  donc  comme  nous  sommes  retenus  pour  ce  que  nous  sommes  enveloppez  en  ce  souci,  et  sommes  insatiables  en  nos  cupiditez,  et  nous  semble  que  rien  ne  nous  suffira.  Et  puis  nous  serons  solicitez  aussi  a  cercher  des  excuses.  Car  nous  alleguerons  que  nous  ne  scavons  pas  si  celuy  qui  se  plaint  a  telle  faute  comme  il  dit,  et  s'il  y  a  si  grande  pitie.  D'autre  coste  que  le  monde  est  si  malin  et  pervers  qu'on  ne  scait  a  qui  bien  faire,  et  que  c'est  perdre  le  bien  le  plus  souvent,  et  qu'il  y  a  telle  ingratitude,  qu'il  vaudroit  mieux  laisser  avoir  faim  et  soif  a  ceux  qui  se  plaignent  que  de  leur  donner  occasion  de  offenser  Dieu  en  trompant  ainsi  et  en  se  moquant.  On  trouvera  tousiours  assez  d'excuses  et  d'eschappatoires  pour  bien  faire,  comme  l'experience  le  monstre  par  trop,  attendu  sur  tout  que  de  nature  nous  sommes  tant  lasches  et  debiles.  Tant  plus  donc  nous  faut-il  bien  recorder  la  lecon  que  nous  propose  ici  sainct  Paul,  c'est  de  poursuivre  sans  nous  lasser,  voire  en  bien  faisant.  Or  il  est  ici  question  de  nous  elargir:  et  quand  nous  avons  du  bien,  de  l'appliquer  pour  subvenir  a  la  disette  de  nos  prochains.  Et  nous  scavons  que  sainct  Paul  a  commence  par  les  ministres  de  la  parole.  Mais  il  nous  exhorte  tous  en  general,  attendu  que  Dieu  nous  a  conioints  ensemble,  et  nous  a  mis  au  monde  a  ceste  condition  qu'un  chacun  regarde  en  quoy  il  pourra  aider  ceux  qui  ont  faute  de  luy.  Que  nous  appliquions  nostre  vie  a  cela  a  fin  de  ne  pervertir  Tordre  de  nature.  Et  puis  d'autant  que  nous  sommes  tant  lasches  et  tant  froids,  et  qu'aussi  nous  pourrions  trouver  beaucoup  d'occasions  pour  nous  empescher  et  pour  rompre  le  zele  que  nous  aurions  de  nous  acquitter  de  nostre  devoir,  que  nous  surmontions  toutes  difficultez,  et  que  nous  prenions  courage  pour  ne  point  defallir.  Et  d'autant  plus  que  le  monde  est  auiourd'huy  venu  au  comble  d'iniquite,  d'ingratitude  et  de  malice,  ii  nous  faut  surmonter  telles  tentations,  regardans  plustost  a  Dieu  qu'a  ceux  qui  ne  sont  pas  dignes  d'estre  secourus  au  besoin.  Car  quelque  malice  qu'il  y  ait  par  tout  le  monde,  si  est-ce  que  Dieu  demeurera  tousiours  immuable  en  son  propos:  c'est  a  scavoir  que  chacun  de  nous  doit  regarder  ce  qu'il  peut,  et  le  moyen  qui  luy  est  donne,  et  que  nous  ne  soyons  point  nais  pour  nous  mesmes  (car  Dieu  aussi  ne  nous  a  pas  creez  a  ceste  intention),  mais  que  chacun  se  pousse  et  quasi  se  contraigne  pour  aider  a  ceux  qui  demandent  secours  de  luy:  et  encores