50:100  pamus  facere  quod  decet.  Talis  alacritas  praeoccupandi,  facto  ipso  superior  est.  l  l  .  Nunc  quod  facere  coepistis.  Verisimile  est,  ardorem  mox  refrixisse  in  Corinthiis.  Alioqui  nulla  mora  interposita,  persequuti  essent  suum  institutum.  Sed  apostolus,  tanquam  nihil  adhuc  fuisset  peccatum,  comiter  admonet  ut  perficiant  quod  bene  coeptum  est.  Quum  addit  ex  eo  quod  s  u  p  p  e  t  i  t  ,  occupatio  est:  semper  enim  ingeniosa  est  caro  ad  invenienda  subterfugia:  alii  se  familias  habere  causantur,  quas  negligere  sit  inhumanum:  alii,  quia  multum  dare  nequeant,  hoc  praetextu  utuntur  ad  se  eximendos:  An  ego  tantillum  darem?  Omnes  eiusmodi  excusationes  tollit  Paulus,  dum  iubet  singulos  pro  modo  suae  facultatis  conferre.  Et  addit  causam,  quod  Deus  animum  respiciat,  non  id  quod  offertur.  Nam  quod  dicit  animi  promptitudinem  acceptam  esse  Deo,  prout  cuiusque  est  facultas,  hunc  habet  sensum:  si  ex  tenuibus  copiis  exiguum  quiddam  offeras,  nihilo  minoris  aestimatur  coram  Deo  tuus  affectus  quam  si  dives  magnam  summam  ex  affluentia  sua  conferret.  Affectus  enim  non  probatur  ex  eo  quod  non  habes  :  hoc  est,  Deus  abs  te  nequaquam  exigit  ut  plus  conferas  quam  ferant  vires  tuae.  Hoc  modo  nulli  excusantur:  quia  et  divites  maius  Deo  tributum  debent,  et  pauperibus  non  debet  pudori  esse  sua  exiguitas.  13.  Non  enim  ut  aliis  relaxatio  sit,  vobis  autem  angustia:  sed  ut  ex  aequabilitate.  14.  In  praesenti  tempore  vestra  copia  illorum  succurrat  inopiae:  et  illorum  copia  vestrae  succurrat  inopiae,  quo  fiat  aequabilitas,  15.  quemadmodum  scriptum  est:  qui  multum  habebat,  huic  nihil  superflua  :  et  qui  paulum  habebat,  is  nihilominus  habuit.  16.  Gratia  autem  Deo,  qui  dedit  eandem  sollicitudinem  pro  vobis  in  corde  Titi,  17.  qui  exhortationem  acceperit:  quin  potius  quum  esset  diligentior,  suapte  sponte  ad  vos  venerit.  13.  Non  enim  ut  aliis.  Confirmatio  superioris  sententiae,  quod  tam  in  exigua  quam  magna  facultate  placeat  Deo  liberalis  voluntas:  quoniam  non  velit  Deus  in  angustias  nos  redigi,  ut  alii  nostra  liberalitate  diffluant.  Equidem  non  partem  solum,  sed  quidquid  sumus  et  quidquid  habemus,  Deo  nos  debere  certum  est.  Sed  eatenus  nobis  parcit  pro  sua  indulgentia,  ut  contentus  sit  ea  communicatione,  quam  hic  ponit  apostolus.  Quod  ergo  hic  docet,  intellige  remissionem  esse  summi  iuris.  Interea  nostrarum  partium  est,  ad  largiendum  nos  subinde  incitare:  quia  non  adeo  timendum  est,  ne  simus  in  hac  parte  nimii  :  est  autem  periculum  a  nimia  tenacitate.  Terum  necessaria  est  haec  doctrina  adversus  fanaticos,  qui  nihil  actum  putant,  nisi  te  penitus  spoliaveris,  ut  in  commune  omnia  conferas.  Hoc  vero  proficiunt  suo  deliramento,  ut  nemo  eleemosy-