27:100  verti,  y  a  bien  ose  desgorger  ceste  heresie,  que  l'ancien  Testament  n'estoit  qu'une  simple  figure:  iusques  a  dire  qu'Abraham  qui  est  le  pere  de  tous  fideles,  n'a  eu  qu'une  foy  fantastique,  qu'il  n'a  point  cogneu  Dieu  vrayement.  Et  qu'ainsi  soit  (dit-il)  il  a  adore  les  Anges  au  lieu  de  Dieu,  et  n'a  point  cogneu  que  c'estoit  de  la  vie  eternelle.  Voila  des  choses  execrables:  car  nous  savons  que  les  peres  anciens  (dit  sainct  Paul)  ont  este  enfans  de  Dieu  comme  nous,  heritiers  du  royaume  des  cieux.  Il  y  a  ceste  diversite,  qu'ils  ont  este  semblables  a  des  petis  enfans  :  ils  ne  laissent  pas  toutesfois  de  posseder  le  bien,  mais  ils  estoyent  encores  sous  tuteurs  et  curateurs,  comme.sainct  Paul  en  amene  la  similitude.  Les  peres  anciens  ont  eu  la  Loy,  les  ceremonies,  et  choses  semblables:  mais  quoy  qu'il  en  soit,  la  substance,  et  la  verite  ne  leur  a  point  defailli.  Quand  donc  Dieu  propose  ceste  terre  de  Canaan,  ce  n'est  pas  qu'il  vueille  que  les  Iuifs  s'amusent  la,  comme  si  un  porceau  mettoit  le  groin  en  son  auge  pour  se  crever:  mais  il  leur  donne  un  goust  de  la  vie  celeste  sous  cest  heritage  terrien  qu'il  avoit  promis  a  leurs  peres:  comme  nous  voyons  quand  ils  ont  sacrifie,  combien  qu'ils  offrissent  des  bestes  brutes,  si  est-ce  qu'ils  ont  este  participans  de  la  redemption  qui  nous  a  este  acquise  en  nostre  Seigneur  Iesus  Christ:  et  que  les  sacrifices  des  bestes  brutes  les  ont  conduits  a  ceste  redemption  qui  a  este  faite  par  le  Fils  de  Dieu,  quand  il  a  espandu  son  sang  sacre  pour  laver  nos  macules  et  nos  pechez.  Et  ainsi  en  a-il  este  de  la  terre  de  Canaan:  car  il  a  fallu  selon  leur  petitesse  qu'ils  fussent  conduits  par  ce  chemin.  La  terre  de  Canaan  donc  leur  est  non  seulement  un  gage,  mais  aussi  une  arre  de  la  vie  celeste,  et  du  salut  eternel  que  les  peres  ont  espere  avec  nous,  d'autant  qu'ils  ont  eu  une  mesme  foy.  Et  ainsi  donc  notons  bien,  que  quand  il  est  ici  parle  de  la  terre  de  Canaan,  et  que  Dieu  nourrira  la  son  peuple  grassement,  que  ce  n'est  pas  afin  que  les  Iuifs  n'attendent  que  les  choses  terriennes:  mais  c'est  qu'en  goustant  la  bonte  de  Dieu  en  ceste  vie  transitoire,  ils  recognoissent  qu'il  leur  a  appreste  un  heritage  au  ciel,  qui  ebt  a  preferer  a  tout  le  monde.  Or  auiourd'huy  nostre  Seigneur  n'use  pas  d'un  tel  ordre  envers  nous.  Il  est  vray  quand  nous  cheminerons  comme  il  appartient,  nous  avons  les  promesses  (dit  sainct  Paul  a  Timothee)  tant  de  la  vie  presente  que  de  la  vie  a  venir.  Non  seulement  Dieu  declaire  qu'il  nous  recevra  en  la  vie  eternelle,  mais  cependant  que  nous  conversons  en  ce  monde,  et  en  ce  pelerinage  terrien,  il  dit  que  iamais  nous  ne  serons  delaissez  de  luy,  qu'il  n'ait  le  soin  de  nous,  pour  nous  bien  faire,  et  nous  secourir  en  toutes  nos  necessitez,  et  nous  pro  voir:  mais  le  principal  est  ceste  vie  celeste.  Et