11:100  integrum:  aut  oportuisse  illud  in  dubium  vocari,  etiamsi  nihildum  esset  decretum.  Ergo  ad  iter  nos  accingimus:  ut  autem  praesenti  ecclesiae  illius  necessitati  succurratur,  quam  nolumus  esse  desertam,  censent  modis  omnibus  eo  accersendum  Viretum,  interim  dum  alia  vocatione  distrahor:  ubi  redierimus  non  recusant,  quin  illuc  redeam.  Quin  etiam  Bucerus  se  mecum  venturum  pollicetur.  In  eam  sententiam  visum  est  ipsis  scribere,  quo  certior  fides  fieret:  meis  literis  suas  quoque  Bucerus  addidit.  De  meo  animo  sic  accipe.  mihi  si  detur  optio,  quidvis  libentius  sim  facturus,  quam  ut  tibi  hic  obtemperem  :  sed  quoniam  non  esse  mei  iuris  memini,  cor  meum  velut  mactatum  Domino  in  sacrificium  offero.  Itaque  non  est  quod  suspiceris  tibi  verba  dari;  nostri  nihil  nisi  ex  animo  promittunt.  Et  ego  nihil  aliud  obtestor,  quam  ut  nulla  mei  ratione  habita  dispiciant  quid  maxime  sit  ex  Dei  gloria  et  ecclesiae  utilitate.  Tametsi  non  sum  valdo  ingeniosus,  non  tamen  deficiunt  me  effugia,  quibus  ita  clanculum  elabar,  ut  facile  apud  homines  excusem  per  me  non  stetisse.  Verum  scio  mihi  esse  negotium  cum  Deo,  qui  huiusmodi  astutias  deprehendit.  Ergo  animum  meum  vinctum  et  constrictum  subigo  in  obedientiam  Dei:  et  quando  proprio  consilio  destituor,  me  his  regendum  trado,  per  quos  spero  Dominum  ipsum  mihi  loquuturum.  Quum  Capito  scripsit,  putavit,  ut  video,  me  prolixa  epistola  tibi  expositurum  totam  deliberationis  nostrae  seriem,  sed  satis  est  quod  summam  habes.  Quanquam  eram  id  quoque  facturus  nisi  tempus  defuisset.  Verum  totus  dies  variis  avocamentis  mihi  consumptus  est.  Nunc  a  coena  longiori  lucubratione  valetudinem  alioqui  dubiam  tentare  nolui.  Hic  se  ad  natalem  Domini  rediturum  promisit  cum  carruca,  in  qua  poterit  afferre  Vendelino  ex  libris  suis  decem  exemplaria  Institutionis,  sex  commentarios  in  Ieremiam  :  8)  ea  dabis  illi  advehenda.4)  FARELLUS  CALVINO.  Post  priorem  epistolam  nobis  deperditam  iterum  amicum  adit  ut  Genevensium  vocationi  obtemperet.  3)  Oecolampadii.  4)  Beza  et  Bonnet  errant  in  natalibus  epistolae  definiendis,  quam  ad  a.  1541  referunt,  ille,  ut  videtur,  de  conventu  Ratisbonensi  cogitans,  hic  vero  incaute  mensem  Augustum  adscribens,  quo  Calvinum  adhuc  haesitasse  perhibet  an  rediret.  Talia  conciliationem  non  requirunt.