8:10  10  necessariae,  partim  magna  et  varia  negotia,  sat  hoc  cito  erit,  si  sat  bene.  Porro  antequam  in  rem  ipsam  ingredimur,  videndum  est,  qui  conveniat  titulus  hic  Christo,  quem  constat  aeternae  vitae  esse  ostium,  ut  sit  lapis  offensionis  et  petra  scandali  (1  Petr.  2,  8):  qui  fiat  similiter,  ut  evangelii  doctrina,  quae  unica  est  via  salutis,  perpetuo  cum  tam  multis  scandalis  sit  coniuncta.  Clarius  hoc  fiet,  si  a  scandali  definitione  exordium  sumamus.  Quum  ratio  vivendi  nobis  a  Deo  praescripta,  ei,  quam  sequi  nos  oportet,  viae  aut  stadio  comparetur,  hinc  nata  est  altera  metaphora,  ut  scandala  vocentur  impedimenta,  quaecunque  vel  a  recto  cursu  nos  abducunt,  vel  obiectu  suo  nos  retardant,  vel  casus  occasionem  praebent.  Horum  certe  nihil  in  Christum,  neque  in  ipsius  evangelium  competit.  Officium  Christi  est,  recta  nos  ad  patrem  manu  ducere  :  quin  etiam  lux  est  mundi  qua  illuc  dirigimur,  via  qua  pervenimus,  ostium  quo  intramus.  Natura  evangelii  est,  sublatis  omnibus  impedimentis,  facilem  nobis  aditum  patefacere  in  regnum  Dei.  Nihil  igitur  vel  a  Christo,  vel  ab  evangelio  magis  alienum,  quam  nomen  scandali.  Omnino  verum  est,  si  in  se  aestimetur  Christus,  nihil  eius  naturae  magis  repugnare  quam  scandalum.  Ita  et  de  evangelio  sentiendum  est.  Accidit  autem  hoc  hominum  pravitate,  ut  simul  atque  eminus  apparet  Christus,  undique  scandalis  impetantur:  vel  in  ea  potius  ipsi  incurrant.  Lapis  ergo  scandali  est,  non  quia  det  ipse  causam  impingendi:  sed  quia  in  occasionem  trahatur.  Sicuti  evangelium,  [pag.  7]  quum  doctrina  sit  pacis  et  concordiae,  ingentium  tamen  motuum  est  occasio:  quod  inde  tumultuandi  ansam  impii  arripiunt.  Quod  autem  aliunde  est,  id  tanquam  proprium  Christo  assignare,  ut  culpam  ipse  crimenque  sustineat,  perquam  iniquum  foret.  Atque  id  est  quod  dicit  Petrus:  Aedificemini  in  domum  spiritualem,  qui  lapis  est  vivus:  ab  hominibus  quidem  reprobatus,  a  Deo