6:10  DE  FIDE.  MINISTER.  [fol.  6J  Quis  humanae  vitae  praecipuus  est  finis?  PUER.  Ut  Deum,  a  quo  conditi  sunt  homines,  ipsi  noverint.  MINISTER.  Quid  causae  habes,  cur  hoc  dicas?  PUER.  Quoniam  nos  ideo  creavit,  et  collocavit  in  hoc  mundo,  quo  glorificetur  in  nobis.  Et  sane  vitam  nostram,  cuius  ipse  est  initium,  aequum  est  in  eius  gloriam  referri.  MINISTER.  Quod  vero  est  summum  bonum  hominis?  PUER.  Illud  ifsum.  MINISTER.  Quamobrem  id  tibi  summum  bonum  habetur?  PUER.  Quia  eo  sublato,  infelicior  est  nostra  conditio,  quam  quorumvis  brutorum.  MINISTER.  Ergo  vel  inde  satis  perspicimus,  nihil  posse  homini  infelicius  contingere,  quam  Deo  non  vivere.  PUER.  Sic  res  habet.  MINISTER.  Porro,  quaenam  vera  est  ac  recta  Dei  cognitio?  PUER.  Ubi  ita  cognoscitur,  ut  suus  illi  ac  debitus  exhibeatur  honor.  MINISTER.  Quaenam  vero  eius  rite  honorandi  est  ratio?  PUER.  Si  in  eo  sita  sit  tota  nostra  fiducia:  si  illum  tota  vita  colere,  voluntati  eius  obsequendo,  studeamus:  si  eum,  quoties  aliqua  nos  urget  necessitas,  invocemus,  [fol.  7]  salutem  in  eo  quaerentes,  et  quidquid  expeti  potest  bonorum:  si  postremo,  tum  corde,  tum  ore,  illum  bonorum  omnium  solum  autorem  agnoscamus.  1)  Le  1.  dimanche.  .  La  fin  de  nostre  vie.  .  Le  souverain  bien  des  hommes.  .  La  maniere  de  bien  honnorer  Dieu  gist  en  quatre  poinctz.  2)  1561  que  le  requerions.