56:10  dit  a  Cain,  Pourquoy  es-tu  courrouce1)?  et  pourquoy  est  ton  visage  abatu  ?  7.  Si  tu  fais  bien,  ne  seras-tu  point  exauce2)?  mais  si  tu  ne  fais  bien,  le  pecho  gist  a.  la  porte:  or3)  sa  volonte  est  suiete  a,  toy,  et  as  le  gouvernement  sur  luy.  8.  Et  Cain  devisa  avec  son  frere:  et  comme  ils  estoyent  aux  champs,  Cain  s'esleva  contre  son  frere  Abel,  et  Poccit.  9.  Et  l'Eternel  dit  a  Cain,  Ou  est  Abel  ton  frere?  Lequel  respondit  ie  ne  say:  suis-ie  moy  la  garde  de  mon  frere?  10.  Et  il  dit,  Qu'as-tu  fait?  la  voix  du  sang  de  ton  frere  crie  de  la  terre  apres  moy.  ll.  Maintenant  donc  tu  seras  maudit  sur  la  terre,  laquelle  a  ouvert  sa  bouche  pour  recevoir  de  ta  main  le  sang  de  ton  frere.  12.  Quand  tu  laboureras  la  terre,  elle  ne  te  rendra  plus  sa  vertu  :  tu  sera  aussi  vagabond  et  fugitif  sur  la  terre.  13.  Lors  Cain  dit  a  l'Eternel,  Ma  peine  est  plus  grande  que  ie  ne  puis  porter.  14.  Voyci,  tu  m'as  dechasse  auiourd'huy  hors  de  la  terre,  et  me  cacheray  de  devant  ta  face,  si  seray  vagabond  et  fugitif  sur  la  terre:  et  quiconque  me  trouvera  me  tuera.  15.  Et  l'Eternel  luy  dit,  Certes  quiconque  occira  Cain,  sera  puni  sept  fois  plus.  Ainsi  l'Eternel  mit  un  signe  en  Cain,  afin,  qae  quiconque  le  trouveroit,  ne  l'occist  point.  16.  Adonc  Cain  se  retira  de  la  presence  l'Eternel,  et  habita  en  la  terre  de  Nod  a  l'Orient  d'Eden.  17.  Apres  Cain  cognut  sa  femme,  laquelle  conceut  et  enfanta  Henoch:  et  edifia  une  ville,  et  appela  le  nom  de  la  ville  comme  le  nom  de  son  fils  Henoch.  18.  Puis  Henoch  engendra  Irad,  et  Irad  engendra  Mahuiael,  et  Mahuiael  engendra  Mathusael  :  et  Mathusael  engendra  Lamech.  19.  Et  Lamech  preint  deux  femmes:  le  nom  de  l'une  estoit  Ada,  et  le  nom  de  l'autre  Zela.  20.  Et  Ada  engendra  Iabel:  lequel  fut  pere  des  habitans  es  tentes,  et  des  pasteurs.  21.  Et  le  nom  de  son  frere  Iubal:  lequel  fut  pere  de  ceux  qui  touchent  la  harpe  et  les  orgues.  22.  Et  Zela  aussi  engendra  Thubal-cain,  forgeur  de  tous  engeins  d'airain  et  de  fer:  et  la  seur  de  Thubal-cain  fut  Naema.  23.  Et  Lamech  dit  a  ses  femmes,  assavoir  Ada  et  Zela,  Femmes  de  Lamech,  oyez  ma  voix,  escoutez  ma  parole,  Ie  tueray  un  homme  en  ma  playe,  et  un  iuvenceau  en  ma  blessure.  24.  Parquoy  Cain  sera  sept  fois  venge,  mais  Lamech  septante  sept  fois.  25.  Et  Adam  cognut  encore  sa  femme,  laquelle  enfanta  un  fils,  et  appela  son  nom  Seth,  Car  Dieu  m'a,  dit-elle^  donne  une  autre  semence  pour  Abel,  que  Cain  a  occis,  26.  Et  a  Seth  aussi  nasquit  un  fils,  et  appela  son  nom  Enos.  Alors  on  commenca  a  invoquer  le  nom  de  l'Eternel.  *)  enflamme  d'ire  59.  2)  exalte  46.  suiv.  ne  le  recevras-tu  point?  O.  3)  toutesfois  O  46,  54  et  59.  A  toy  appartient  la  subiection  d'iceluy  O.  9