55:10  imperfectionis  notam.  Porro  has  duas  voces  ita  accipio,  ut  multifariam  referam  ad  diversas  temporum  vices.  Est  enim  graece  TcoXujAsp&c  :  quod  licebit  ad  verbum  transferre,  per  mnltas  partes.  Quemadmodum  fieri  solet,  quum  in  posterum  plenius  loqui  instituimus.  HoXuzpon&c  vero  diversitatem  (meo  iudicio)  in  forma  ipsa  designat.  Quum  nobis  loquutum  esse  dicit,  his  postremis  temporibus,  significat  non  amplius  esse  causam  cur  exspectatione  novae  revelationis  simus  suspensi.  Neque  enim  particularis  est  sermo  quem  attulit  Christus,  sed  extrema  clausula.  Hoc  sensu,  novissimum  tempus  et  dies  novissimos  accipiunt  apostoli.  Atque  id  etiam  est  quod  intelligit  Paulus  quum  scribit  (1.  Cor.  10,  ll),  in  nos  fines  aetatum  incidisse.  Quod  si  nunc  postremum  loquutus  est  Deus,  huc  usque  progredi  convenit:  quemadmodum  etiam  quum  eo  perveneris,  sistendus  est  gradus.  Quorum  utrumque  cognitu  valde  necessarium  est.  Nam  et  Iudaeis  magnum  erat  impedimentum  quod  non  reputabant  Deum  in  aliud  tempus  distulisse  pleniorem  doctrinam.  Itaque  lege  sua  contenti  non  properabant  ad  metam.  Ex  quo  autem  Christus  apparuit,  contrarium  malum  grassari  coepit  in  mundo.  Appetunt  enim  homines  ultra  Christum  pergere.  Quid  enim  est  aliud  totus  papatus  quam  huius  limitis  transgressio,  quem  figit  apostolus?  Proinde  sicuti  omnes  invitat  hoc  loco  spiritus  Dei  ut  ad  Christum  usque  perveniant:  ita  novissimum  sermonem  cuius  meminit,  trans8ilire  prohibet.  Denique  sapientiae  nostrae  terminus  hic  in  evangelio  locatur.  2.  Quem  constituit  haeredem.  His  encomiis  ornat  Christum,  ut  nos  in  eius  reverentiam  adducat.  Nam  quum  illi  omnia  subiecerit  pater,  ad  eius  imperium  nos  quoque  pertinemus.  Et  simul  indicat,  nihil  inveniri  posse  extra  ipsum  boni,  quum  haeres  sit  universalis.  Unde  sequitur,  nos  et  miserrimos  esse,  et  bonorum  omnium  inopes,  nisi  ille  nos  suis  opibus  iuvet.  Porro  hunc  honorem  iure  deberi  filio  Dei  addit,  ut  omnium  habeat  potestatem,  quia  per  ipsum  omnia  sint  condita:  quamquam  baec  duo  Christo  tribuuntur  diverso  respectu.  Per  ipsum  enim  creatus  est  mundus,  quatenus  aeterna  est  Dei  sapientia:  quae  omnium  eius  operum  ab  initio  directrix  fuit.  Atque  hinc  colligitur  Christi  aeternitas.  Fuisse