54:10  Christ:  car  par  ce  mot  il  nous  veut  monstrer  que  Dieu  nous  a  plus  honorez  que  les  Peres  anciens,  et  qu'il  nous  a  elevez  en  un  degre  par  dessus  eux.  Et  d'autant  plus  sommes-nous  a  condamner,  et  nostre  ingratitude  est  tant  plus  inexcusable,  si  nous  ne  venons  avec  un  desir  ardent,  a  un  tel  conviement  que  Dieu  fait,  quand  il  luy  plaist  qu'on  nous  propose  et  qu'on  nous  presche  son  Evangile.  Il  est  vray  que  de  tous  temps  Dieu  a  promis  aux  fideles  le  salut  que  nous  attendons  auiourd'huy,  et  qui  nous  est  presente  en  l'Evangile,  et  c'a  este  le  fruict  de  leur  adoption.  Car  dequoy  leur  eust-il  servi  de  scavoir  que  Dieu  estoit  leur  Sauveur  et  Pere,  sinon  qu'ils  eussent  tendu  a  la  vie  celeste?  Ainsi  donc  les  Peres  sous  la  Loy  ont  bien  eu  une  esperance  semblable  a  celle  que  nous  avons  auiourd'huy.  Mais  tant  y  a  qu'ils  ont  este  comme  en  suspens,  qu'ils  ont  langui,  et  y  a  eu  tousiours  comme  une  destresse,  iusques  a  ce  que  Iesus  Christ  fust  apparu:  car  c'est  en  luy  que  toutes  les  promesses  de  Dieu  ont  leur  ouy,  et  leur  certitude,  et  que  Dieu  les  ratifie.  Ainsi  donc  notons  bien  que  sainct  Paul  en  parlant  de  la  promesse  de  vie,  nous  monstre  qu'auiourd'huy  elle  nous  est  plus  priveement  mise  en  avant,  qu'elle  n'a  este  sous  la  Loy.  Car  nous  avons  Iesus  Christ  qui  est  l'accomplissement  de  toutes  choses  qui  sont  requises  pour  nostre  redemption,  en  luy  nous  cootemplons  ce  qui  a  este  figure  comme  en  ombrage  a  nos  Peres.  Et  ainsi  (comme  i'ay  desia  declare)  malheur  sur  nous  si  nous  n'avons  les  aureilles  dressees  pour  recevoir  la  promesse  quand  Dieu  nous  Poffre,  voire  et  l'accomplit  par  effect  en  la  personne  de  nostre  Seigneur  Iesus  Christ.  Or  consequemment  sainct  Paul  adiouste,  A  Timothee  mon  Fils  aime,  grace,  misericorde,  et  paix  de  par  Dieu  le  Pere,  et  de  par  nostre  Seigneur  Iesus  Christ,  Quand  il  appelle  Timothee  son  fils,  c'est  d'autant  qu'il  l'avoit  engendre  en  l'Evangile.  Et  ceci  n'est  point  contraire  a  la  sentence  de  nostre  Seigneur  Iesus  Christ,  quand  il  defend  d'avoir  nul  pere  en  ce  monde:  car  c'est  afin  que  nous  regardions  tous  a  Dieu,  qu'il  soit  honore  de  nous,  et  que  nous  luy  soyons  suiets.  Si  donc  chacun  se  bastit  un  pere,  voila  Dieu  qui  est  prive  de  son  honneur.  Mais  quand  nous  sommes  amenez  a  Dieu  seul,  et  que  ceste  doctrine  nous  est  fidelement  preschee,  que  tout  parentage  depend  de  luy,  et  que  nous  adherons  a  sa  verite,  que  nous  luy  portons  l'honneur  qui  luy  appartient,  cela  n'empesche  point  que  cependant  ceux  qui  nous  enseignent  la  doctrine  de  l'Evangile,  ne  nous  soyent  comme  peres.  Pourquoy?  Dieu  besongne  par  leur  moyen,  et  les  establit  comme  en  son  lieu,  non  point  pour  deroguer  rien  a  son  droit  (comme  desia  nous  avons  declare),  mais  quand  Dieu  est  Pere  souverain,  les  hommes