53:10  10  acquerir  grace  devant  Dieu.  Voila  ou  en  sont  ces  povres  aveugles.  Et  ainsi  apprenons  que  si  nous  voulons  estre  asseurez,  et  avoir  nos  ames  paisibles,  que  il  faut  que  nous  cerchions  et  le  commencement  et  la  fin  de  nostre  salut  en  nostre  Seigneur  Iesus  Christ,  que  nous  soyons  la  pleinement  fondez,  que  nous  ne  pensions  point  qu'il  soit  venu  pour  nous  donner  seulement  quelque  petit  goust  de  la  vie  eternelle:  mais  qu'il  nous  a  apporte  toute  plenitude  et  toute  perfection  de  bien,  afin  qu'en  luy  seul  nous  soyons  rassasiez.  Suyvons  donc  ce  qui  nous  est  ici  ordonne  du  Fils  de  Dieu,  et  ne  vaguons  point  ca  et  la  a  nostre  escient.  Car  le  chemin  nous  est  ici  monste  infallible:  tenons-nous  la.  Brief,  ici  S.  Paul  nous  declare  que  la  cause  principale  de  nostre  salut,  c'est  la  bonne  volonte  et  l'amour  paternelle  que  Dieu  nous  a  portee  sans  que  nous  en  fussions  dignes,  mais  la  substance  est  comprise  en  nostre  Seigneur  Iesus  Christ.  Dieu  nous  a-il  aimez?  Voila  (di-ie)  le  fondement  principal  de  nostre  salut  Mais  comment  est-ce  que  Dieu  nous  aime  cependant  que  nous  sommes  pecheurs?  Il  faut  qu'il  baisse  le  mal  qui  est  en  nous,  et  qu'il  le  deteste.  Nous  voila  donc  alienez  de  Dieu,  et  par  consequent  nous  sommes  privez  et  bannis  de  la  vie  eternelle:  nous  voila  abandonnez  a  la  mort,  nous  sommes  maudits.  Mais  avons-nous  ce  lavement  du  sang  de  nostre  Seigneur  Iesus  Christ,  pour  nous  acquitter  envers  Dieu  par  le  sacrifice  qu'il  a  offert?  le  peche  est-ii  aboli  en  nous  par  la  iustice  qu'il  nous  a  acquise?  Voiia  comme  la  substance  de  nostre  salut  est  en  luy.  Et  pourtant  c'est  la  ou  il  nous  faut  regarder,  c'est  la  ou  il  faut  que  tous  nos  sens  s'adonnent:  et  c'est  la  principalement  ou  nous  devons  avoir  tout  nostre  repos,  et  chercher  ceste  paix  dont  S.  Paul  parle,  disant  que  nous  avons  paix  avec  Dieu,  d'autant  que  nous  sommes  iustifiez  par  la  grace  de  nostre  Seigneur  Iesus  Christ.  Nous  voyons  donc  maintenant  quelle  doctrine  nous  avons  a  recueillir  des  titres  que  S.  Paul  attribue  ici  a  Dieu  le  Pere  et  a  nostre  Seigneur  Iesus  Christ.  Or  nous  avons  a  conioindre  ce  qu'il  adiouste,  Grace,  et  misericorde,  et  paix  de  par  Dieu  ie  Pere,  et  de  par  nostre  Seigneur  Iesus  Christ.  Ceci  est  pour  declarer  encore  mieux  ce  que  nous  avons  touche:  car  comme  S.  Paul  a  nomme  Dieu  nostre  Sauveur,  et  Iesus  Christ  nostre  esperance,  ainsi  il  entend  que  tout  ce  qui  appartient  a  une  pleine  et  parfaite  felicite,  nous  est  donne,  de  tous  deux  en  commun.  Car  si  nous  separons  Dieu  d'avec  Iesus  Christ,  nous  ne  pouvons  avoir  aucun  acces  a  luy,  pource  que  sa  maieste  est  trop  haute.  Nous  sommes  ici  comme  aux  abysmes  de  mort.  Il  faut  donc  qu'il  y  ait  ce  moyen  d'union  en  la  personne  de  Iesus  Christ,  ou  autrement  Dieu  ne  nous  sera