52:10  10  iactum,  ut  aiunt:  tamen  nihil  erit  absurdi,  si  dicantur  esse  in  profectu:  quia  nondum  pertigerunt  quo  adspirant,  nondum  potiuntur  felicitate  et  gloria  quam  sperarunt,  denique  nondum  illuxit  dies  qui  revelat  absconditos  in  spe  thesauros.  Atque  adeo  quum  de  spe  agitur,  semper  ad  beatam  resurrectionem,  tanquam  ad  scopum,  referendi  sunt  oculi.  7.  Sicuti  iustum  est  mihi,  hoc  de  vobis  omnibus  sentire,  propterea  quod  in  corde  vos  habeam,  esse  omnes  participes  gratiae  meae,  et  in  vinculis  meis,  ef  in  defensione,  et  confirmatione  evangelii.  8.  Testis  enim  mihi  est  Deus  ut  desiderem  vos  omnes  in  visceribus  Iesu  Christi.  9.  Et  hoc  precor,  ut  caritas  vestra  adhuc  magis  ac  magis  abundet  cum  agnitione  omnique  intelligentia:  10.  ut  probetis  quae  utilia  sunt,  quo  sitis  sinceri  et  inoffensi  usque  in  diem  Christ^  ll.  impleti  fructibus  iustitiae,  qui  sunt  per  Iesum  Christum,  in  gloriam  et  laudem  Dei.  7.  Sicuti  iustum  est  Maligni  enim  sumus  donorum  Dei  interpretes,  nisi  eos  habemus  pro  filiis  Dei  in  quibus  vera  pietatis  signa  emicant,  quibus  notis  spiritus  adoptionis  se  profert.  Dicit  ergo  Paulus,  hoc  sibi  aequitatem  ipsam  dictare  ut  de  Philippensibus  bene  in  perpetuum  speret,  quos  sibi  in  participationem  gratiae  adiunctos  esse  cernit.  Ego  non  temere  hunc  locum  aliter  transtuli  quam  Erasmus,  quod  prudens  lector  facile  animadvertet.  Nam  commemorat  quale  habeat  de  Philippensibus  iudicium  :  quae  illi  causa  erat  bene  sperandi.  Dicit  igitur,  illos  sibi  consortes  esse  eiusdem  gratiae  in  vinculis  et  defensione  evangelii.  In  corde  habere,  est  intimo  cordis  affectu  eos  tales  reputare.  Semper  enim  pro  viribus  adfuerant  Philippenses  Paulo,  ut  se  illi  ad  sustinendam  evangelii  causam,  quoad  licebat,  comites  adiungerent.  Ita,  quamvis  abessent  corpore,  tamen  propter  pium  affectum  quem  testati  fuerant  quibuscunque  poterant  officiis,  secum  vinctos  agnoscit.  Habeo  igitur  vos  in  corde:  hoc  est,  sincere  ac  citra  simulationem,  certo,  non  levi  aut  dubia  opinione.  Quales?  socios  gratiae.  Qua  in  re?  in  vinculis,  quibus  defenditur  evangelium.  Tales  quum  agnosceret,  aequum  erat  de  illis  bene  sperare.  Gratiae  meae,  et  in  vinculis.  Ridiculum  hoc  esset  coram  mundo,  carcerem  deputare  in  Dei  beneficio.  At  si  vere  aestimamus,  honor  est  non  vulgaris  quo  nos  Deus  dignatur,  quum  pro  eius  veritate  persequutionem  patimur.  Neque  enim  frustra  dictum  est:  Beati  eritis  quum  vos  probris  omnibus  affecerint  ac  vexaverint  propter  nomen  meum.  Meminerimus  ergo  etiam  societatem  crucis  Christi,  tanquam  singularem  Dei  gratiam,  prompto  gratoque  animo  amplexandam  nobis  esse.  Vinculis  addit  defensionem  et  confirmationem  evangelii,