51:10  sainct  Paul  en  l'autre  passage,  c'est  que  le  monde  n'a  point  cognu  Dieu  en  vraye  sagesse,  et  pourtant  il  a  falu  que  ii  eust  une  autre  facon  de  nous  enseigner,  c'est  a  scavoir  une  folie:  car  si  nous  estions  bien  sages  (comme  nous  appetons  qu'on  nous  repute  tels),  en  regardant  le  ciel  et  la  terre  nous  avons  une  si  belle  instruction  que  rien  plus.  Nous  voyons  donc  la  les  grans  thresors  de  la  sagesse  de  Dieu,  qui  nous  doivent  ravir  en  estonnement.  Qui  en  fait  son  profit?  mais  a  l'opposite  on  void  les  hommes  gourmander  des  biens  que  Dieu  leur  fait  et  s'en  souler  sans  penser  aucunement  a  luy.  Et  non  seulement  cela:  mais  regimber  a  l'encontre  de  celuy  qui  les  a  engraissez.  Et  quand  ils  cuident  s'addonner  au  service  de  Dieu,  ils  luy  ravissent  l'honneur  qui  luy  appartient,  se  bastissans  dee  idoles  a  leur  fantasie.  Puis  qu'ainsi  est  donc  que  le  monde  n'a  point  cognu  Dieu  en  vraye  sagesse  et  selon  l'ordre  naturel,  il  faut  que  Dieu  essaye  un  autre  moyen,  comme  il  a  fait.  Car  c'est  bien  une  espece  de  folie,  si  nous  iugeons  selon  nostre  sens,  que  le  Fils  de  Dieu,  le  chef  des  Anges,  le  Seigneur  de  gloire,  la  fontaine  de  vie,  celuy  auquel  toute  maieste  appartient,  que  celuy-la  non  seulement  ait  este  fait  homme  mortel,  qu'il  ait  vestu  nostre  condition,  mais  qu'il  se  soit  aneanti  du  tout  (comme  sainct  Paul  en  parle  aux  Philippiens  2.  chap.)  et  mesmes  qu'il  ait  este  suiet  a  nostre  malediction,  et  qu'il  ait  porte  le  nom  de  peche,  qui  plus  est.  Quand  donc  on  parle  d'un  tel  style  et  langage,  cela  nous  doit  sembler  estrange,  comme  il  fait:  mais  rengeons-nous  en  toute  humilite,  et  cognoissons  qu'il  nous  faut  venir  a  ceste  escbole,  puis  que  nous  n'avons  peu  profiter  en  ce  que  Dieu  nous  a  monstre  du  commencement  au  ciel  et  en  la  terre:  voila  donc  quant  a  ce  mot  ou  sainct  Paul  dit.  Et  le  scandale  de  la  croix  sera  aboli.  Or  (brief)  nous  devons  recueillir  de  ce  passage,  que  s'il  y  a  quelque  absurdite  en  l'Evangile  (selon  nostre  apprehension),  que  cela  ne  nous  en  doit  point  d  ego  u  8  ter,  mais  que  nous  cognoissions  que  Dieu  veut  esprouver  nostre  obeissance  quand  il  nous  ameine  a  la  mort  de  nostre  Seigneur  Iesus  Christ,  et  que  la  nous  voyons  comme  le  gouffre  d'enfer,  quand  le  Fils  de  Dieu  est  la  pour  soustenir  nostre  condamnation,  qu'il  est  la  nostre  pleige  et  qui  paye  toutes  nos  dettes.  Et  puis  au  reste  cognoissons  que  de  la  mort  il  y  a  beau  passage  a  la  gloire  qui  est  apparue  en  la  Resurrection,  car  le  Fils  de  Dieu  ayant  souffert  par  infirmite,  c'est  a  dire  selon  qu'il  est  ordonne  de  Dieu  son  Pere,  et  qu'il  a  voulu  aussi  de  son  bon  gre  s'assuiettir  a  telle  servitude:  ayant  donc  souffert  ainsi  que  en  la  vertu  de  son  sainct  Esprit  il  a  surmonte  la  mort,  il  a  eu  une  victoire  telle  qu'il  faut  maintenant  que  tout  genouil  soit  ploye  devant  luy:  qu'il  ait  un