49:10  Davide  atavo  specialiter  notat,  non  est  supervacuum:  hac  enim  particula  nos  revocat  ad  promissionem  :  ne  dubitemus  hunc  ipsum  esse,  qui  promissus  olim  fuit.  Adeo  celebris  erat  promissio  facta  Davidi,  ut  constet  usu  receptum  fuisse  inter  Iudaeos,  Messiam  filium  Davidis  nuncupari.  Hoc  ergo  ad  certitudinem  fidei  nostrae  spectat,  Christum  a  Davide  esse  ortum.  Addit  secundum  carnem:  ut  intelligamus  ipsum  habere  aliquid  carne  superius  quod  attulerit  e  coelo,  non  autem  a  Davide  sumpserit,  nempe  quod  mox  subiicit  de  gloria  deitatis.  Porro  his  verbis  non  modo  veram  carnis  essentiam  Christo  asserit  Paulus,  sed  humanam  in  eo  naturam  a  divina  clare  distinguit:  atque  ita  refutat  impium  Serveti  delirium,  qui  carnem  affinxit  Christo  ex  tribus  increatis  elementis  compositam.  4.  Declaratus  filius  Dei,  ete.  Si  mavis,  defin  i  t  u  s  :  ac  si  diceret  virtutem  resurrectionis  esse  instar  decreti,  quo  sit  pronuntiatus  Dei  filius:  sicuti  habetur  Psal.  2i  7  :  Ego  hodie  genui  te.  Nam  genitura  illa  ad  notitiam  refertur.  Quanquam  autem  seorsum  tria  hic  specimina  divinitatis  Christi  quidam  faciunt:  per  virtutem  miracula  intelligentes,  deinde  testimonium  spiritus,  postremo  resurrectionem  mortuorum:  ego  simul  coniungere  malo,  et  ad  unum  haec  tria  referre,  hoc  modo,  Christum  esse  definitum  filium  Dei  exserta  palam  vere  coelesti  et  eadem  spiritus  potentia  *),  quum  a  mortuis  resurrexit  :  sed  eam  potentiam  comprehendi  dum  cordibus  obsignatur  per  eundem  spiritum.  Cui  interpretationi  bene  suffragatur  apostoli  phrasis:  dicit  enim  declaratum  fuisse  in  potentia,  quod  scilicet  potentia  in  eo  refulserit  quae  esset  Dei  propria,  ipsumque  esse  Deum  indubie  probaret.  Ipsa  vero  enituit  quidem  in  illius  resurrectione  2)  :  sicut  alibi  idem  Paulus,  ubi  in  morte  carnis  infirmitatem  apparuisse  confessus  est,  virtutem  spiritus  in  resurrectione  commendat.  2.  Cor.  13,  a.  Nobis  tamen  non  innotescit  illa  gloria,  donec  eam  cordibus  nostris  idem  spiritus  obsignat.  Quod  autem  Paulus  una  cum  admirabili  spiritus  efficacia,  quam  Christus  a  morte  resurgendo  ostendit,  testimonium  quoque,  quod  singuli  fideles  in  cordibus  suis  sentiunt,  comprehendat,  vel  ex  eo  patet  quod  sanctificationem  nominatim  exprimit  :  ac  si  diceret,  spiritum,  quatenus  sanctificat,  sancire  ratumque  facere  illud  virtutis  suae  documentum,  quod  semel  edidit.  Scriptura  enim  spiritum  Dei  epithetis  notare  saepe  solet  praesenti  argumento  accommodatis.  Sic  vocatur  a  Domino  spiritus  veritatis  ab  effectu,  de  quo  illic  loquebatur.  Porro  divina  potentia  ideo  in  Christi  resurrectione  effulsisse  dicitur,  quod  suapte  virtute  1)  per  exsertam  suam  potentiam.  2)  sed  per  spiritum  sanctum  demum  confirmatur.  Per  spiritum  autem  Paulum  intellexisse  illuminationem,  qua  fideles  divinam  potentiam  in  Christi  resurrectione  perspiciunt,  vel  ex  eo  patet  quod  sanctificationis  opus  expressit,