42:10  vaine,  qu'il  y  avoit  encores  la  un  corps  d'Eglise,  redresse  et  basti,  voila  ce  que  l'ange  ha  voulu  exprimer  en  somme  a  Daniel,  quand  il  parle  comme  s'il  estoit  en  Iudee.  Or  il  dit  que  ce  roy  de  midi  Ptolomee  s'eslevera,  mais  qu'en  la  fin  l'autre  surmontera  de  beaucoup,  c'est  a  scavoir  Seleucus  et  son  fils  Antioque  qui  suit  apres.  Or  ce  pauvre  malheureux  la  (Antiochus)  fust  le  dernier  des  capitaines  d'Alexandre,  qui  feist  de  grandes  choses,  mais  si  est-ce  que  Dieu  ne  luy  permit  point  de  venir  au  sepulchre  de  mort  naturelle,  quand  il  ha  gaigne  tant  de  pays  que  c'est  un  monde,  qu'il  ne  reste  plus  que  de  iouir  de  ses  victoires,  ii  voit  les  pays  loingtains  qui  luy  sont  assuiettis,  il  se  baigne  en  ses  delices  et  voluptes  qu'il  ne  reste  que  de  faire  grand  chere,  de  faire  ces  grands  triumphes  comme  si  tout  le  monde  estoit  a  son  commandement.  Or  si  est  ce  qu'aiant  tout  cela,  on  ne  laisse  pas  de  le  tuer  en  sa  maison  propre,  et  Dieu  ne  luy  permet  point  de  venir  iusques  au  sepulchre,  ne  voions  nous  pas  bien  la  cette  main  armee  du  ciel,  qui  persecute  tous  ceux  qui  auront  ainsi  espandu  le  sang  humain?  Or  apres  luy  son  fils  Antioque,  qui  se  nommoit  sauveur,  domine,  et  deux  autres  qui  se  nommoient  aussi  bien  Antiochus  succedent  apres,  mais  le  premier  (comme  i'ai  dit)  estoit  surnomme  sauveur,  et  l'autre  Dieu,  et  l'autre  illustre,  qu'il  n'estoit  question  que  de  s'attribuer  des  titres  nouveaux,  pour  dire,  nous  ne  sommes  plus  du  rang  des  hommes.  Or  on  eust  bien  estime  que  tout  ce  qui  se  faisoit  de  ce  temps  la,  que  cela  avint  par  fortune,  mais  il  nous  faut  tousiours  regarder  a  une  conduite  plus  haute,  a  scavoir  a  cette  providence  de  Dieu  par  laquelle  toutes  ces  choses  ont  este  faites  et  dissipees  (comme  nous  avons  monstre  ci  dessus)  mais  cependant  notons,  puis  que  nous  avons  veu  en  somme  la  deduitte  des  histoires  qui  sont  recitees  par  l'ange,  qu'il  nous  les  faut  maintenant  appliquer  a  nostre  profit,  que  nous  en  recueillons  instruction.  Car  Dieu  ne  nous  veut  point  ici  donner  de  passetemps  a  ce  que  nous  connoissions  les  choses  qui  ont  este  faites,  et  que  nous  en  sachions  deviser  seulement  mais  il  tend  a  une  autre  fin  plus  haute,  c'est  assavoir  qu'en  premier  lieu  nous  connoissions  que  tout  ce  qui  est  advenu,  c'a  este  par  la  volonte  et  la  disposition  de  Dieu  (comme  estant  iuge  du  monde).  Or  ie  di  cela  notamment,  pource  que  ce  n'est  pas  asses  que  nous  connoissions  en  Dieu  une  puissance  et  une  sagesse  qui  gouverne  tout,  mais  il  faut  que  nous  conioignions  sa  iustice  avec,  si  nous  imaginions  en  Dieu  une  iustice  absolue,  ce  seroit  le  faire  comme  un  simple  tirant,  mais  il  faut  que  nous  connoissions  une  puissance  infinie,  et  que  cette  puissance  la  soit  conioincte  d'un  lien  inseparable  avec  une  sagesse,  une  droiture  et  equite  si  9