41:10  dem  plenis  buccis,  sed  ut  facile  appareat,  prophetam  ipsis  videri  nimis  simplicem  et  inconsideratum,  qui  se  periculo  frustra  opposuit  et  sine  ulla  necessitate.  Nam  sic  fidem  separant  a  confessione,  ut  existiment  posse  integram  manere,  etiam  si  sepulta  sit,  et  centies  crucis  fugiendae  causa  deficiant  a  pura  et  sincera  eius  professione.  Teneamus  itaque  non  modo  offerendum  nobis  esse  sacrificium  precationis  Deo  in  cordibus  nostris:  sed  simul  requiri  liberam  professionem,  ut  appareat  saltem  nos  esse  veros  Dei  cultores.  Neque  enim  dico,  quidquid  sentimus  passim  vulgandum  esse,  ita  ut  statim  rapiamur  ab  hostibus  Dei  et  evangelii  ad  mortem:  sed  dico  haec  simul  esse  coniuncta,  nempe  fidem  et  confessionem,  neque  posse  ullo  modo  separari.  Confessio  autem  duplex  est.  Nam  vel  palam  et  ingenue  testamur  quod  est  in  animo  :  vel  quantum  necesse  est,  sic  nos  continemus  in  cultu  Dei,  ut  ne  quod  signum  perversae  et  perfidae  simulationis  demus,  ac  si  abiiceremus  pietatis  studium.  Quantum  attinet  ad  primam  speciem,  non  semper  nec  ubique  necesse  est  profiteri  fidem  nostram  :  sed  secunda  species  debet  habere  perpetuum  cursum.  Neque  enim  unquam  fas  erit  nobis,  simulare  ullam  defectionem  vel  apostasiam.  Daniel  ergo  quamvis  non  accerseret  clangore  tubae  Chaldaeos,  quoties  volebat  precari,  sed  in  cubiculo,  ut  solebat,  conciperet  vota  sua  et  preces:  tamen  non  simulavit  se  oblitum  esse  pietatis,  quum  videret  tentari  fidem  suam,  et  experientiam  sumi  an  perstaret  in  ipsa  constanter.  Diserte  autem  exprimit  se  venisse  domum,  postquam  cognovit  de  obsignato  edicto.  Haud  dubie  si  admissus  fuisset  in  consilium,  non  fuisset  illic  mutus:  sed  callide  excluserant  eum  reliqui  proceres,  ne  posset  intercedere:  et  putabant  serum  fore  remedium,  imo  nullum,  quemadmodum  ipse  satis  agnovit  sibi  moriendum  esse.  Ergo  si  in  consilium  fuisset  a  rege  adhibitus,  illic  functus  esset  suo  officio,  et  cordate  intercessisset.  Sed  quia  iam  obsignatum  erat  edictum,  et  ablata  erat  facultas  regis  monendi,  concessit  in  domum  suam.  Hoc  notandum  est,  nt  sciamus  nullo  modo  posse  excusari  regum  consiliarios,  qui  data  opera  fugitant,  ubi  vident  se  non  posse  proferre  sententiam  absque  aliquo  discrimine,  et  putant  hoc  modo  satisfactum  esse  Deo,  modo  ne  vocem  ullam  proferant.  Sed  illa  pusillanimitas  nihil  habet  coloris.  Et  Daniel  haud  dubie  non  potest  suo  exemplo  illos  tueri  :  quia  iam,  ut  dictum  fuit,  astu  et  malitia  procerum  exclusus  fuerat,  ne  interveniret,  atque,  ut  solebat,  regem  moneret  in  tempore.  Iam  dicit  fenestras  fuisse  apertas  versus  Ierusalem.  Quaeritur  an  Danieli  necesse  fuerit  ita  aperire  fenestras.  Posset  enim  quispiam  obiicere,  fuisse  hoc  factum  crassa  aliqua  opinione:  quia  si  Deus  implet  coelum  et  terram,  quorsum  spectabat  fenestras  aperire  versus  [erusalem?  Sed  minime  dubium  est  quin  propheta  9