38:10  mandet  vel  proponat,  et  quorsum  etiam  tendat  eius  summa.  Ergo  ex  eorum  vita  refellit  Ieremias  stolidam  illam  iactantiam,  quod  scilicet  nullum  signum  darent  suae  sapientiae.  Nam  necesse  est,  ut  qui  se  volunt  probare  discipulos  Dei,  proferant  aliquos  fructus  in  vita  sua.  Quum  autem  tanta  apud  illos  esset  impietas,  tantus  contemptus  Dei,  quum  denique  vita  eorum  clamaret  ipsos  prorsus  esse  insanos,  dicit,  Frustra  aptavit  stylum,  nempe  scriptor  legis,  et  frustra  fuerunt  scribae,  hoc  est,  doctores.  Scribas  enim  secundo  loco  accipit  pro  doctoribus.  Hunc  locum  paulo  aliter  expono,  quam  alii  interpretes,  nempe  quia  videtur  subesse  species  ironiae,  quemadmodum  vulgo  apud  nos  dicitur,  II  faut  brusler  tous  les  livres.  Deridet  igitur  illam  stultitiam  Ieremias,  quod  se  dicerent  probe  tenere  qualiter  vivendum  esset,  quia  fulgeret  apud  ipsos  doctrina  legis.  Si  ita  est,  inquit,  quid  est  lex  Dei?  Nihil  certe,  quum  tota  sua  doctrina  pro  nihilo  hoc  modo  ducenda  esset.  Nunc  ergo  videmus  hic  salse  perstringi  Iudaeos,  quoniam  scilicet  arriperent  titulum  legis,  quasi  umbram  sine  corpore,  quum  tamen  nullam  rectae  intelligentiae  guttam  haberent.  Postea  addit,  9.  Pudefacti  sunt  sapientes,  territi  sunty  et  capti  sunt  (nnn  significat  proprie  frangere,  vel  conterere  :  sed  transfertur  ad  animum,  et  tunc  significat  terrere:  dicit  igitur  esse  territos,  deinde  illaqueatos:  postea  adiungit  causam,  nempe)  quia  respuerunt  in  verbo  (sed  D  est  supervacuum.  Verbum  ergo)  Iehovae  (reprobarunt,  aut  repudiarunt)  et  sapientia  quid  illis  (prodest,  subaudiunt  quidam  interpretes:  alii  vertunt,  et  quid  est  in  ipsis  sapientiae?  ego  autem  aliter  accipio,  ut  statim  dicam).  Dicit  nunc  hos  sapientes  esse  pudefactos  et  attonitoSy  et  quasi  laqueis  captos.  Quibus  verbis  significat  nihil  proficere  Iudaeos  sua  astutia,  dum  sibi  arrogant  sapientiam,  et  hoc  obtentu  reiiciunt  omnes  admonitiones,  et  volunt  sibi  parci.  Nihil,  inquit,  prodest  vobis  haec  sapientia.  Deus  enim  vos  deprehendet,  sicuti  alibi  dicitur.  Ergo  dicit  esse  pudefactos  ,  non  quod  iam  tunc  essent  pudefacti:  iam  enim  dixit  sexto  capite,  et  mox  iterum  repetet  fuisse  ita  obduratos,  ut  non  posset  illis  extorqueri  ullus  pudor.  Carebant  igitur  erubescentia.  Sed  hic  denuntiat  poenam,  quae  proxime  instabat:  quasi  diceret,  Nunc  estis  fronte  quasi  ferrea,  et  putatis  vos  impune  Deo  et  eius  servis  posse  illudere.  Atqui  Deus  vos  deprehendet,  inquit:  et  ita  excutiet  has  larvas,  sub  quibus  delitescitis,  ut  dedecus  vestrum  omnibus  pateat.  Ille  est  sensus.  Eadem  ratione  dicit,  Securi  nunc  estis,  sed  Deus  brevi  incutiet  tantum  terroris  ut  reddat  prorsus  attonitos.  Significat  ergo  eos  nihil  facere  lucri,  dum  ita  in  suis  .vitiis  sibi  placent,  et  magis  ac  magis  obdu-