37:10  promulgandum  esse,  ut  penitus  afficiat.  Iam  addita  interrogatio  pondere  non  caret.  Significat  enim  propheta  non  temere  se  prosilire  et  iactare  quod  sibi  tumultuarie  audire  visus  sit,  sed  quod  distincte  certoque  edoctus  sit,  quum  animo  composito  exspectasset.  Porro  ex  re  ipsa  colligere  licet  nihil  hic  esse  supervacuum:  quia  duo  praecipua  coelestis  doctrinae  capita  breviter  tradenda  erant.  Quamvis  fumus  sit  ac  res  nihili  homo,  totaque  eius  praestantia  fallax  et  emarcida,  optimam  tamen  esse  causam  gloriandi  fidelibus,  quia  extra  se  salutem  quaerunt:  et  quamvis  in  terra  peregrinantur,  quia  tamen  se  Deus  illis  per  verbum  suum  coniungit,  coelesti  felicitate  esse  praeditos.  Necesse  enim  est,  ut  nostri  exinanitio  ad  expetendam  Dei  gratiam  nos  adducat.  Sciebat  certe  propheta  quid  docere  operae  pretium  esset:  sed  hac  interrogatione  animos  magis  excitare  voluit,  ut  ostendat,  necessario  cogi  se  et  alios  omnes  Dei  servos  ad  proferendam  hanc  sententiam:  nec  aliunde  initium  docendi  fieri  posse,  etiamsi  centies  rogent,  atque  inquirant:  ut  certe  nihil  unquam  proficient,  si  aliam  rationem  inire  velint.  Clamandi  verbo  non  displicet  tam  libertatem  quam  perspicuitatem  intelligi,  quia  prophetae  non  debent  obscure  susurrare,  sed  diserta  voce  pronuntiare  quod  ipsis  mandatur  :  deinde  libere  et  pleno  ore  proferre  quidquid  iussi  sunt.  Quisquis  igitur  ad  hoc  munus  vocatur,  haec  perpetuo  in  memoriam  revocet  ac  teneat,  invicta  scilicet  libertate  utendum  adversus  omnis  generis  difficultates,  quali  et  prophetae  et  apostoli  semper  usi  sunt.  Vae  mihi,  inquit  Paulus  (1.  Cor.  9,  16),  si  non  evangelizavero:  necessitas  enim  mihi  incumbit.  (Omnis  caro  herba.)  Primo  notandum  est,  non  tantum  de  humanae  vitae  fragilitate  agi,  sed  longius  extendi  sermonem,  ut  quidquid  excellentiae  sibi  inesse  putant  homines  in  nihilum  redigatur.  Comparat  quidem  David  (Psal.  103,  15)  foeno  hanc  vitam,  quod  emarcida  sit  et  caduca:  sed  contextus  evincit  prophetam  non  modo  loqui  de  externo  homine,  sed  comprehendere  animi  dotes,  quibus  maxime  homines  superbiunt,  ut  est  prudentia,  magnanimitas,  solertia,  iudicium,  dexteritas  in  rebus  agendis,  quibus  sibi  videntur  praestare  supra  reliqua  animantia,  idque  melius  exprimitur  voce  non,  quam  statim  subiungit.  Vertunt  quidam  gloriam,  alii  beneficentiam:  mihi  magis  placuit  nomen  gratiae,  quo  intelligo  quidquid  decus  et  favorem  conciliat  hominibus.  Interea  tamen  passiva  quoque  significatio  locum  habebit:  quasi  diceret  propheta,  Quidquid  praeclarum  est  et  laude  dignum  in  hominibus,  meram  esse  Dei  liberalitatem.  Sic  David  (Psal.  59,  l  l  .  18)  Deum  beneficentiae  suae  appellat,  quem  agnoscit  bonorum  omnium  autorem,  et  cuius  gratiae  fert  acceptum  quod  tam  abunde  locupletatus  sit.  Certum  quidem  est  ion  vocari  quidquid  est  in  ho-