3:10  10  que  i'ay  icy  compris  quasi  une  somme  de  ceste  mesme  doctrine  laquelle  ils  estiment  devoir  estre  punie  par  prison,  bannissement,  proscription  et  feu:  et  laquelle  ils  crient  devoir  estre  dechassée  hors  de  terre  et  de  mer.  Bien  say-ie  de  quels  horribles  rapports  ils  ont  remply  vos  oreilles  et  vostre  coeur,  pour  vous  rendre  nostre  cause  fort  odieuse:  mais  vous  avez  à  reputer  selon  vostre  clemence  et  mansuetude,  qu'il  ne  resteroit  innocence  aucune  n'en  dits  n'en  faits,  s'il  suffisoit  d'accuser.  Certainement  si  quelcun,  pour  esmouvoir  hayne  à  l'encontre  de  ceste  doctrine  de  laquelle  ie  me  veux  efforcer  de  vous  rendre  raison,  vient  à  arguer  qu'elle  est  desia  condamnée  par  un  commun  consentement  de  tous  estats,  qu'elle  a  receu  en  iugement  plusieurs  sentences  contre  elle,  il  ne  dira  autre  chose,  sinon  qu'en  partie  elle  a  esté  violentement  abbatue  par  la  puissance  et  coniuration  des  adversaires,  en  partie  malicieusement  opprimée  par  leurs  mensonges,  tromperies,  calomnies  et  trahisons.  C'est  force  et  violence,  que  cruelles  sentences  sont  prononcées  à  l'encontre  d'icelle  devant1)  qu'elle  ait  esté  defendue.  C'est  fraude  et  trahison,  que  sans  cause  elle  est  notée  de  sedition  et  malefice.  Afin  que  nul  ne  pense  que  nous  nous  complaignons  de  ces  choses  à  tort,  vous-mesmes  nous  pouvez  estre  tesmoin,  Sire,2)  par  combien  fausses  calomnies  elle  est  tous  les