29:10  pas  este  du  tout  accomplie,  sinon  a  la  venue  de  nostre  Seigneur  Iesus  Christ.  Or  ie  di  qu'en  partie  Dieu  a  desia  monstre  quelque  signe  de  ceci,  quand  le  peuple  d'Israel  a  este  dissipe,  quand  il  a  este  mis  en  desolation,  qu'on  les  a  transportez  en  pays  estrange,  qu'ils  ont  la  este  comme  des  povres  bannis  sans  aucun  ordre,  esclaves  sous  une  tyrannie  cruelle:  alors  Dieu  a  desia  commence  de  leur  faire  sentir  que  ce  n'estoit  pas  en  vain  qu'il  les  avoit  menacez  de  les  provoquer  en  un  peuple  qui  n'estoit  point  peuple:  car  les  Assyriens  en  premier  lieu,  et  apres  les  Caldeens  ont  eu  cest  honneur  de  dominer  par  dessus  les  enfans  d'Abraham,  qui  se  vantoyent  d'estre  en  liberte:  mais  ils  estoyent  serfs  de  peche  :  et  puis  qu'ils  s'estoyent  retirez  de  l'obeissance  de  leur  Dieu,  c'estoit  bien  raison  qu'ils  fussent  sous  la  servitude  des  tyrans.  Dieu  donc  alors  a  donne  quelques  signes  de  faveur  a  ceux  qui  estoyent  incredules,  quand  il  a  ainsi  magnifie  les  Payens,  voire  comme  s'il  eust  voulu  abolir  la  promesse  envers  ceux  qui  s'estoyent  auparavant  glorifiez  d'estre  son  peuple,  et  qu'il  les  eust  voulu  mettre  en  ignominie.  Mais  alors  les  Caldeens  et  Assyriens  n'ont  point  domine  sur  les  enfans  de  Dieu,  tellement  qu'ils  peussent  preiudicier  a  leur  salut:  aussi  les  Syriens,  et  tous  les  autres  peuples  qui  l'ont  moleste,  comme  nous  voyons  du  temps  des  Iuges,  qui  ont  occupe  1e  pays  de  Canaan,  et  qui  ont  rendu  les  enfans  d'Israel  tributaires  et  suiets:  alors  combien  que  les  enfans  d'Israel  fussent  opprimez,  et  mis  bas,  comme  sous  leurs  pieds,  et  que  leurs  voisins  qui  estoyent  Payens  et  incredules  ayent  eu  la  vogue:  tant  y  a  neantmoins  que  tousiours  l'adoption  de  Dieu  a  demeure  en  la  lignee  d'Abraham,  et  la  condition  de  ceux  qui  ont  domine  sur  eux  n'a  point  este  meilleure:  car  ils  n'ont  point  laisse  de  servir  a  leurs  idoles.  Mais  quand  l'Evangile  a  este  publie  au  monde,  nous  avons  succede  en  la  place  de  ceux  qui  estoyent  auparavant  heritiers  de  la  promesse:  comme  sainct  Paul  nous  accompare  a  des  sauvageons  qui  seront  plantez  en  une  bonne  plante:  ainsi  est-il  de  nous,  car  nous  ne  sommes  qu'avortons,  si  on  nous  accompare  avec  les  Iuifs,  qui  estoyent  comme  enfans  naturels  de  Dieu.  Or  puis  que  Dieu  avoit  promis  a  Abraham  d'estre  le  Sauveur  de  sa  lignee,  cela  appartenoit  a  tous  ceux  qui  en  estoyent  descendus;  comme  aussi  S.  Pierre  leur  dit:  Vous  estes  enfans  des  Prophetes,  heritiers  de  la  promesse.  Comme  s'il  disoit,  que  le  salut  leur  appartient  de  vraye  succession  et  legitime:  mais  quand  ils  s'en  sont  retranchez  par  leur  ingratitude,  alors  Dieu  nous  a  appellez  a  soy.  Il  est  vray  que  si  les  Iuifs  eussent  receu  nostre  Seigneur  Iesus  Christ,  que  la  doctrine  de  l'Evangile  n'eust  pas  laisse  encore  d'estre  espandue  par  tout  le  monde:  mais  alors  nous  eus-