28:10  nous  soit  incogneu,  que  nous  ne  laissions  pas  pourtant  de  luy  garder  ou  sa  beste,  ou  quelque  autre  chose  qu'il  aura  perdue.  Il  y  a  une  autre  partie,  c'est  que  si  nous  rencontrons  le  boeuf  de  nostre  prochain,  qui  soit  tombe  par  le  chemin,  ou  son  asne,  qu'il  y  ait  ou  maladie,  ou  qu'en  cheminant  il  soit  deffailli  sous  la  charge,  et  qu'il  soit  la  tombe:  que  nous  devons  aider  a  le  relever.  Or  ceci  nous  monstre  encores  mieux,  que  tous  ceux  qui  ne  procurent  point  le  bien  d'autruy  sont  estimez  larrons:  car  nous  ne  commettons  nulle  offense,  qu'il  n'y  ait  transgression  contre  la  Loy  de  Dieu.  Il  nous  faut  noter  cela.  Or  en  la  Loy  de  Dieu  qu'est-il  dit?  Tu  ne  desroberas  point.  Voila  un  seul  mot.  Mais  l'intention  du  Legislateur  doit  estre  regardee.  Et  ainsi  il  faut  conclure,  quand  nous  aurons  veu  a  nos  yeux  que  nostre  prochain  ait  faute  de  nostre  secours,  et  que  nous  luy  aurons  deffailli:  que  nous  aurons  apperceu  son  dommage,  et  que  nous  n'y  aurons  point  remedie,  ayans  le  moyen  :  que  nous  sommes  condamnez  devant  Dieu  comme  larrons.  La  chose  se  trouve  dure,  on  en  disputera,  on  pensera  mesmes  avoir  gagne  sa  cause:  mais  toute  replique  doit  estre  abbatue:  puis  que  Dieu  a  parle,  c'est  un  arrest  irrevocable  que  ce  qu'il  a  dit.  Contentons-  nous  donc  d'avoir  ceste  declaration  de  la  Loy:  c'est  que  si  nous  ne  subvenons  selon  nostre  faculte  a  nos  prochains,  que  Dieu  nous  condamne,  et  nous  tient  pour  larrons.  Il  est  vray  que  si  nous  en  estions  appellez  devant  les  iuges  terriens,  nous  pourrions  alleguer:  O!  on  ne  m'a  point  oblige  a  cela,  ie  n'y  suis  point  tenu,  ie  ne  luy  ay  rien  promis,  ou  est  le  contract?  et  choses  semblables.  Mais  quand  nous  venons  devant  Dieu,  ayons  la  bouche  close:  et  confessons  que  si  nous  avons  este  lasches,  quand  nous  avons  veu  que  quelcun  avoit  perte  et  dommage  en  ses  biens,  et  que  nous  ne  l'aurons  point  secouru,  apres  que  nous  aurons  bouche  nos  yeux,  que  nous  n'aurons  pas  daigne  estendre  un  doigt  pour  luy  subvenir:  c'est  autant  de  larrecin  devant  Dieu.  Or  cependant  notons  bien,  quand  il  est  ici  parle  des  bestes,  que  nous  les  devons  secourir,  si  elles  estoyent  tombees  sous  le  fardeau:  que  est-ce  que  nous  devons  aux  hommes  en  comparaison?  Quand  un  asne  sera  tombe,  et  dequoy  nous  appartient-il?  Or  si  est-ce  que  pour  l'amour  de  mon  prochain  ie  suis  tenu  de  le  relever  entant  qu'en  moy  sera.  Voila  un  povre  homme  qui  n'en  pourra  plus,  et  il  a  besongne  de  mon  aide,  ie  l'abandonne:  ceste  cruaute-la  est-elle  excusable  devant  Dieu?  Si  iene  me  suis  acquitte  envers  une  beste  brute,  me  voila  condamne:  et  que  sera-ce  quand  i'auray  delaisse  mon  image  et  celle  de  Dieu,  quand  un  povre  homme  aura  este  opprime,  et  qu'il  n'aura  point  este  secouru  par  moy,  ie  torcheray  ma  bouche  comme  ie  si  n'avoye  commis  aucune  offense.  Ainsi  notons,