26:10  leur  commande:  tant  s'en  faut  que  les  voisins  pensent  que  Dieu  les  ait  approche  les  uns  des  autres,  afin  qu'un  chacun  serve  a  son  prochain,  et  qu'ils  tendent  au  bien  commun,  et  qu'ils  ne  se  facent  nulle  nuisance,  qu'ils  ne  s'entrepicquent  point:  que  les  freres  germains  pensent  qu'il  leur  est  licite  de  prouvoir  chacun  a  soy,  et  n'est  question  sinon  que  d'attirer  a  nous,  et  n'y  aura  nulle  pitie  ne  compassion.  Comment  donc  les  voisins  qui  auront  seulement  quelque  accointance  de  loin,  seront-ils  freres,  veu  que  ceux  qui  ont  este  portez  en  un  mesme  ventre,  et  qui  sont  d'un  mesme  pere,  n'ont  non  plus  d'amitie  que  les  bestes  sauvages,  et  encores  moins?  Vray  est  qu'il  semblera  qu'en  despit  de  Dieu  on  vueille  estre  frere.  Car  s'il  est  question  de  mal  faire,  d'avoir  quelque  brigue  diabolique  pour  renverser  tout  bien:  alors  on  saura  alleguer:  O  nous  avons  ceci,  nous  avons  cela,  nous  sommes  d'un  pays,  nous  sommes  enfans  d'une  ville.  Voila  comme  les  meschans  se  trouveront  cousins  et  freres.  Et  pourquoy  faire?  pour  s'eslever  a  l'encontre  de  Dieu,  pour  mettre  tout  en  confusion,  pour  faire  debats  et  noises,  pour  se  maintenir  en  toutes  dissolutions,  et  en  tous  scandales,  que  le  nom  de  Dieu  soit  blaspheme,  que  toute  honnestete  soit  pervertie.  Voila  quelles  sont  les  fraternitez  et  les  cousinages  du  monde,  comme  on  le  voit  par  trop.  Mais  s'il  est  question  qu'un  chacun  aide  a  son  prochain,  qu'on  s'abstienne  de  mal  et  de  nuisance,  comme  i'ay  dit  :  tant  s'en  faut  que  les  hommes  s'abstiennent,  quils  pensent  que  Dieu  les  a  unis,  et  qu'il  les  a  creez  a  son  image:  et  puis,  qu'il  y  a  encores  un  lien  plus  estroit  qui  les  oblige,  puis  que  par  son  Evangile  il  nous  a  adoptez  pour  estre  membres  de  Iesus  Christ  son  Fils,  pour  estre  heritiers  du  royaume  des  cieux  :  tant  s'en  faut,  (di-ie)  que  les  hommes  pensent  a  cela,  qu'ils  pervertissent  tout  ordre  de  nature  avec  une  furie  plus  que  brutale.  Or  tant  y  a  que  ce  passage  ici  est  suffisant  pour  la  condamnation  des  nommes,  quand  ils  ne  chemineront  point  en  toute  modestie,  et  qu'ils  ne  seront  point  plus  humains  les  uns  envers  les  autres,  qu'ils  ne  sont.  Venons  a  ce  qui  est  ici  adiouste  en  second  lieu,  c'est  assavoir,  que  Dieu  avoit  donne  la  mon"  tagne  de  Seir  en  possession  a  Esau.  Il  est  vray  que  quand  il  fait  comparaison  entre  Esan  et  Iacob,  il  dit  par  son  Prophete,  Esau  n'est-il  point  frere  de  Iacob?  Et  toutesfois  ie  l'ay  confine  en  un  pays  de  montagne,  en  un  pays  pierreux  et  sterile:  et  ie  vous  ay  donne  une  terre  fertile,  et  grasse.  Par  cela  le  peuple  d'Israel  est  admonneste,  que  Dieu  luy  a  fait  plus  de  biens  beaucoup  qu'a  ceux  qui  alloyent  devant.  Car  Esau  estoit  le  fils  aino:  toutesfois  Dieu  le  desherite  de  la  terre  qu'il  avoit  promise  a  son  grandpere  Abraham,  et  a  son  pere  Isaac.  Et  pourquoy  cela?  Nous  n'y  voyons  point