19:10  mes  fort  humainement  receuz  de  noz  amys,  ce  qui  donna  grande  ioye  et  contentement  a  ma  compagnie,  laquelle  entendit  mesme  de  bouche  le  rapport  que  honnorablement  firent  de  nous  noz  seigneurs  et  freres  de  Lyon,  qui  expressement  sassemblerent  pour  cela  en  ceste  maison  de  la  teste  noyie,3)  chose,  graces  a  Dieu,  fort  contraire  aux  oprobres  et  vilenies  que  mes  ennemis  par  dela  mont  faictes,  lesquelz  ce  bon  Dieu  vueille  regarder  en  pitie.  Au  reste  il  nest  besoing  que  vous  escrive  des  graces  inestimables  que  Dieu  faict  de  iour  en  iour  a  ceste  Eglise,  dautant  quen  cela  ientreprendroys  chose  plus  grande  que  mon  entendement  pourroit  porter.  Ie  veux  bien  seullement  vous  raconter  que  de  plusieurs  endroictz,  nommement  de  Lyon,  Nimes,  Gap,4)  Grace,5)  du  pais  dOrleans,  de  poictiers  et  plusieurs  autres  endroictz,  il  y  a  gens  icy  qui  demandent  ouvriers  pour  ceste,  moisson  nouvelle,  sur  tous  ceulx  de  Tournon  en  Agennois  font  grande  instance  pour  en  avoir:  car  en  ces  pais  la  il  y  a  encores  plus  de  troys  cens  parroisses  qui  ont  mis  bas  la  messe  et  nont  point  encore  de  pasteurs:  le  pauvre  peuple  crie  de  tous  costez  a  la  faim  et  ne  se  trouve  point  qui  leur  couppe  le  pain  celeste.  Ie  ne  sus  pas  si  tost  arrive  que  sus  sollicite  de  plusieurs,  lesquelz  pour  leur  importunite  me  rendoyent  tout  honteux  et  aussi  contriste  que  navois  le  moyen  les  secourir  en  leur  extreme  necessite:  entre  autres  ceulx  dudit  Tournon  ville  du  roy  de  Navarre  ayant  mesme  charge  de  leur  Evesque,6)  employerent  toutes  leurs  forces  pour  mavoir  et  ne  sen  a  faillut  guieres  quilz  ne  soyent  venu  about  de  leur  pretendit  *  :  mais  monsieur  de  Pacy7)  a  surmonte  pour  ceux  de  Seaut  en  Othe  a  quatre  lieues  de  Troyes  en  Champagne.  Cest  merveilles  des  auditeurs  des  lecons  de  Monsieur  Calvin  iestime  quilz  sont  iournellement  plus  de  mille.8)  Monsieur  Viret  tient  la  campagne  du  coste  de  Nimes.  Beraldus  a  obtenu  de  Messieurs  son  congie  gracieux  et  est  en  deliberation  partir  dicy  environ  Noel  a  cause  des  frequentes  maladies  de  luy  et  de  sa  femme  et  enfans.  Ie  vous  envoye  la  harangue  de  Monsieur  de  Besse  prononcee  dernierement  devant  le  Roy,  laquelle  apres  lavoir  veue  vous  prie  bailler  a  nostre  bon  amy  Monsieur  le  Chastelain  Claude  clerc.  Bolotus  9)  est  envoye  a  Mascon  sur  Saune.  lay  en-  3)  Hotellerie  sur  la  Bive  souvent  nommee  a  cette  epoque.  (Galiffe,  Geneve  hist.  et  ar  ch.  259.)  4)  patrie  de  Farel  5)  Grasse.  6)  Jean  Fregosoi  d'origine  italienne.  7)  Jaque  Spifame  Sr.  de  Passy,  ancien  eveque  de  Nevers,  maintenant  a  Geneve.  8)  ll  faut  supposer  qu'il  y  eut  un  grand  nombre  d'auditeurs  benevoles  et  non  immatricules.  Le  chiffre  reste  bien  au-dessous  dans  le  Livre  du  Becteur.  9)  Voyez  N.  3536.  3545  vers  Vepoque  de  ia  guerre  il  etait  a  Annonay.  {Hist.  eccl.  III.  187.)