14:10  aegre  sustinere  cogimur.  Sed  quid  queror,  mi  Calvine?  Detestanda  nostra  ingratitudo,  qua  Deum  optimum  donaque  eius  immensa  nauci  facimus,  longe  acerbiora  meretur,  adeoque  ut  Satan  nos  ac  nostra  omnia  semel  in  imum  praecipitium  una  pessumdet.  Vigilandum  igitur,  orandum  atque  clamandum:  Domine,  rerum  omnium  aequissime  moderator,  salva,  nos  perimus!  Hisce  vive,  ac  in  Domino  vale  cum  tuis  perpetuo  sanus,  quaeso,  carissime,  et  tui  Christophori  apud  Deum  tuis  piis  votis  memor'  esto.  Si  per  otium  licet,  vel  parvulis  3)  literis  me  consolando  respondere  digneris,  enixe  rogo.  Ni  itineris  intervallum  vinumque  imbecillitas  obstaret,  e  vestigio  pedem  te  visendi  gratia  arriperem,  animo  interim  tibi  praesentissima.  Dat.  e  Sangallo  7.  Ianuarii  anno  51.  Tuus  ex  animo  deditissimus  Christophorus  Sertorius.  1432.  LASCUS  BULLINGERO.  Postquam  ei  de  consensione  ecclesiarum  helveticarum  in  re  sacramentaria  gratulatus  est,  pluribus  constitutionem  ecclesiarum  peregrinorum  Londinensium  exponit  earumque  confessionem  transmittit.  (Edita  est  a  Gerdesio  in  Miscell.  Groning.  IV.  part.  I.  p.  467.  unde  descripsit  Kuyper  IL  646.)  S.  Iam  ter  ad  te  scribere  volui  ex  quo  huc  veni,*)  vir  sanctissime  et  frater  in  Domino  observandissime,  sed  nunquam  literas  absolvere  prius  potui  quam  illi  iam  abirent  qui  eas  perferre  debebant.  Nunc  vero  committere  amplius  nolui  ut  qui  nunc  se  mihi  obtulit  nuncius  sine  meis  ad  te  literis  hinc  abiret.  Est  enim  vir  pius  et  vestri  studiosissimus,  quales  hic  non  paucos  habetis.  Multa  autem  mihi  ad  vos  scribenda  essent,  sed  neque  est  tutum,  neque  tempus  patitur  scribere  omnia.  Istud  autem  inprimis  a  vobis  istic  omnibus  peto,  ut  quae  ad  te  scribo  ea  ad  vos  pariter  omnes  scripta  esse  putetis,  qui  simul  in  eodem  ministerio  collegae  estis:  nam  revera  non  potui  ad  singulos  scribere.  Primum  igitur  ago  gratias  Domino  Deo  nostro  quod  regnum  filii  sui  per  vestrum  ministerium  istic  provehat  atque  illustret,  gratulorque  ex  animo  ves-  1431.  1)  Be  huius  Christophori  Sertorii,  pastoris  fortasse  Sangallensis,  vero  et  germano  nomine  nobis  aliunde  non  constat  2)  De  lectione  constituenda  desperavimus.  3)  vox  dubia.  1432.1)  Cf.  N.  1375,  not  2  et  1382,  not  2.