12:10  vos  consulant,  quod  sperent  vos  sibi  fore  mitiores.  Quocunque  tamen  id  faciant  animo,  quia  certo  persuasus  sum  vos  fidele  ipsis  pro  vestra  sinceritate,  et  pro  vestra  etiam  singulari  prudentia  salutare  consilium  daturos,6)  libenter  me  facturum  recepi  quod  petebant,  ut  hominem  data  opera  ad  vos  mitterem.  Quoniam  autem  magnopere  referre  arbitrabar,  non  modo  sententiam  meam  vobis  perspectam,  esse,  sed  rationes  etiam  quibus  adductus  ita  sentirem  non  esse  incognitas,  libellos  in  linguam  latinam  statim  vertendos  curavi.  Tametsi  autem  improbe  hoc  facere  videri  possim,  tamen  per  nostram  amicitiam  te  rogo,  ut  legendi  taedium  subire  non  recuses.  Tanti  iudicium  tuum  facio,  sicuti  par  est,  ut  mihi  sit  molestissimum  quidquam  recipere,7)  quod  tibi  minus  probetur.  Te  quidem  pro  eximia  tua  humanitate  multa  aliis  indulgere  scio,  quae  tibi  non  permitteres.  Sed  videndum  quid  nobis  liceat,  ne  relaxemus  ubi  Dominus  adstringit.  Neque  vero  ut  mihi  assentiaris  rogo,  quod  nimiae  impudentiae  fores:,  vel  ut  i  D  meam  gratiam  ullo  modo  a  libera8)  simplicique  sententiae  tuae  expositione  deflectas,  sed  tantum  ut  legendi  molestiam  devorare  non  graveris.  Equidem  cupio  sic  inter  nos  penitus  convenire,  ut  ne  in  verbulo  quidem  uno  dissensionis  ulla  species  appareat.  Sed  tuum  est  potius  mihi  praeire,  quam  spectare  quid  mihi  placeat.  Vides  quam  tecum  agam  familiariter:  neque  tamen  vereor  ne  modum  excedam:  scio  enim  quantum  mihi  apud  te  pro  singulari  tua  in  me  benevolentia  liceat.  In  D.  Martino  plus  aliquanto  difficultatis  erit:9)  quantum  enim  ex  rumore  et  quorundam  literis  intelligere  potui,  vixdum  bene  placatus  hominis  animus  levi  de  causa  excitari10)  posset.  Proinde  quas  ad  eum  literas  scripsi,  nuncius  tibi  ostendet,  ut  illis  inspectis  totum  negotium  consilio  tuo  regas.  Ne  quid  ergo  perperam  aut  inconsulte  tentetur  quod  infeliciter  postea  cedat,  tuum  erit  providere:  quod  te,  pro  summa  tua  dexteritate,  facturum  probe  scio.11)  Caeterum  quales  istic  contentiones  vos  exercuerint,  et  qualis  fuerit  exitus,  nondum  certo  rescire  potui:  nisi  quod  atrocem  libellum12)  exiisse  audio,  novo  incendio  excitando  instar  facis  futurum,  nisi  ab  alia  parte  Dominus  animos  retineat,  alioqui  plus  iusto  6)  Add.  spero  106.  7)  quidquam  me  suscipere  edd.  8)  vera  106.  9)  Cf.  Epp.  555,  559,  586  et  quae  ad  eas  annotavimus.  10)  Sic  196,  ubi  tamen  a  prima  manu  excusari  legitur.  Ergo  ex  coniectura  natum  videtur.  Caeteri  praebent:  exulcerari,  quod  magis  placet.  11)  Hic  incipit  fragmentum  codici  Turic.  insertum*  12)  Kurtzes  Bekenntniss  ete.  mense  Octobre  editum,  de  quo  Melanchthon  ad  Bullingerum  d.  d.  30.  Aug.  sic  loquitur:  Fortassis  priusquam  hae  meae  literae  ad  te  perfereutur  accipies  atrocissimum  Lutheri  scriptum  in  quo  bellum  nsgi  ddnvov  xvQiaxov  instaurat  (Corp.  Eef.  V.  475).