10.1:10  et  tire  a  eux  la  cognoissance  et  puissance  dexcommunier.  Laquelle  veritablement  ne  leur  appartenoyt  pas  par  la  parolle.  Et  apres  auoyr  vsurpe  ceste  domination  ils  Ihont  conuertie  en  toute  perversite.  Apres  doncques  auoyr  considere  que  vne  esglise  ne  peulz  consister  en  son  vray  estat  sans  garder  ceste  ordonnance  du1)  et  quil  seroyt  fort  a  craindre  que  le  contempnement  ne  futz  pugny  par  vne  grande  vengance  de  Dieu,  jl  nous  az  semble  aduis  estre  expedient  quelle  futz  remise  sus  en  lesglise  et  exercee  selon  la  reigle  que  nous  en  auons  en  lescripture.  Et  neantmoins  quon  mist  daultre  part  bon  ordre  de  ne  tomber  en  jnconuenient  de  la  deprauer  et  corrumpre  par  inauuays  usaige.  Et  pour  ce  faire  nous  auons  deslibere  requerir  de  vous  que  vostre  playsir  soyt  ordonner  et  eslire  certaynes  personnes  de  bonne  vie  et  de  bon  tesmoignage  entre  tous  les  fideles,  pareillement  de  bonne  constance  et  que  ne  soyent  poent  ayses  a  corrumpre,  lesquelz  estans  departis  et  distribues  en  tous  les  quartiers  de  la  ville,  ayant  loil  sus  la  vie  et  gouuernement  dung  chascun  et  sil  voyent  quelque  notable  vice  a  reprendre  en  quelque  personne,  quil  en  communiquent  auecq  quelcung  des  ministres  pour  admonester  quicunque  sera  celluy  lequel  sera  en  faulte  et  lexorter  fraternellement  de  se  corriger.  Et  si  on  veoyt  que  telles  remonstrances  ne  profitent  rien,  le  aduertir  que  on  signiffiera  a  lesglise  son  obstination.  Et  lors  sil  se  recognoyt,  voyla  desja  vng  grand  prouffit  de  ceste  discipline.  Sil  ny  veult  entendre,  jl  sera  temps  que  le  ministre  estant  aduoue  de  ceux  qui  auront  ceste  charge  denunce  publicquement  enlassemblee  le  debuoyr  quon  aura  faict  de  le  retirer  a  amendement  et  comment  tout  cela  na  rien  proffite.  Adoncques  on  cognoestra  sil  veult  perseuerer  en  la  durte  de  son  cueur,  et  lors  sera  temps  de  lexcommunier,  cest  a  scauoyr  quil  soyt  tenu  comme  reiecte  de  la  compagnie  des  crestiens  et  laisse  en  la  puissance  du  diable  pour  vne  confusion  temporelle  iusque  a  ce  quil  donne  bonne  apparence  de  sa  penitence  et  amendement,  et  en  signe  de  ce  quil  soyt  reiecte  de  la  communion  de  la  Cene  et  quil  soyt  denonce  aux  aultres  fidelles  de  ne  conuerser  poent  familierement  auecq  luy.  Toutesfoys  quil  ne  laisse  poent  de  venir  aux  predications,  pour  recepuoyr  tousjours  doctrine,  affin  d'esprouer  tousjours  sil  playra  au  Seigneur  luy  toucher  le  cueur  pour  retorner  en  bonne  voye.  1)  M.  Gaberel  remplit  l'espace,  qui  dans  V  original  est  laisse  en  blanc,  en  ecrivant  par  conjecture:  vau  pape."  Mais  il  est  assez  douteux  que  V  auteur  ait  voulu  parler  d'une  ordonnance  papale  concernant  V  excommunication,  et  devant  etre  conservee  ou  remise  en  vigueur  dans  l'Eglise  de  Geneve^  pour  ne  pas  attirer  la  vengeance  de  Dieu.